救急扶危忙到飯都無得食 前線救護員:點解要咁低賤

職場 12:17 2019/05/23

分享:

前線救護員爆工作辛酸,救急扶危忙到飯都無得食。

救護員救急扶危,但多年來存在人手不足、「飯鐘」時間短問題,有前線救護員近日在網上發帖,稱人工和其他紀律部隊一樣,但工作性質危險、壓力大,不僅每天超時工作,甚至忙到連飯都無得食,「每日忍住屎尿去做case」,樓主慨嘆,「點解我地要咁低賤,每日肩負起全港救急扶危嘅人,但換來係咁既待遇?」

該名救護員日前在連登討論區發帖,題為「點解仲要堅持做救護員?」,帖文稱,救護員工作性質危險性高,有時要上樓處理精神病人個案,「隨時畀人斬」,又經常接觸傳染性高的病人,甚至面對各種「噁心核突嘢」,如有人幾年沒有沖涼、全身糞便及分屍等。

樓主在帖文中稱,救護員工作壓力大,「一個錯誤決定隨時害死人」;工作量大,

一個兩千幾人嘅職系,每年處理超過80萬轉救護服務,除此之外,救護職系夜晚會少一半人手。

樓主慨嘆,每日超時工作,「每日忍住屎尿去做case」,救護車上有3名救護員,「一齊拾人,一齊搶救傷病者,做轉攀山拯救隨時行3、4個鐘需要好大能量」,但稱,

可惜我哋連飯都無得食,用膳問題講左幾十年都解決唔到,7點半返工,餓住肚到4 、5點先有得食,日日餓住肚去工作。

樓主稱,曾希望部門會有改善,卻換來上司一句話,

救人重要定食飯重要?你食唔到飯人工包 嫁!咁大個人自己帶包餅傍身啦。

樓主坦言,並非認 為「  自己 很偉大,救人大哂! 」但慨然,  

點解我哋要咁低賤?每日肩負起全港救急扶危嘅人, 但換來係咁既待遇?夠啦!我好攰。

帖文一出引起網民熱議,大批網民紛紛為樓主打氣,「唔知點幫到你,但想講句加油,辛苦哂!」;有網民稱,救護員值得尊敬,「加油呀,救護員好值得尊敬!」、「感謝所有救護員的付出。」;另有網民期望有 關部門可改善救護員待遇。

前救護員馬菲接 受TOPick訪問時表示,救護員工作 忙碌 ,僅半   時「  飯鐘」  ,有時 甚至忙到沒時間食飯, 

  如響鐘,都係要去工作,吃飯30分 鐘都用唔到 ,然後你要返到救護站,手頭沒有工作先可以吃飯 

他分享自身經歷,因工作無法回救護站吃飯,故帶飯壺在車上吃,但部門不允許,「如被發現,是要受到處分。」對於有救護員稱,「要忍屎忍尿做case」,馬菲坦言亦有遇過,「忙起上來不出奇!」。他期望有關部門聘請多些救護員,改善人手不足問題。