兒子浸濕書照還學校圖書館 家長反鬧職員︰唔好屈我個仔

親子 12:46 2019/05/25

分享:

一名學校圖書館職員分享,曾收到一本浸濕過的書,他向學生的家長了解,對方反指責他「你唔好屈我個仔呀」。

無論借公共圖書館還是學校圖書館的書,小朋友都要好好愛護公物。一名學校圖書館職員分享,曾收到一本浸濕過的書,他向學生的家長了解,對方卻反駁非其兒子所為,更反問證據,指責職員「你唔好屈我個仔呀」。

該名學校圖書館職員於Facebook專頁「西客之道 Hispitality Secret」投稿,指遇過一位無理取鬧的家長,事緣他有一日收到一本應該浸過水再乾返的還書,連揭也揭不開,不能再借出予其他學生,於是他致電該學生的家長。以下為他與家長的部分對話︰

家長︰還咗咪得囉,你仲想點呀?

圖書館職員:本書浸完水,乾咗;揭唔開呀!

家長︰一定係我個仔搞本到書咁㗎咩?

職員表示他翻查記錄,其子是最後借那本書的學生,家長接著發爛,指可能是學校圖書館漏水所致,更說︰

唔再適合借出?證據呢?我個仔好乖㗎,你唔好屈我個仔呀!

家長堅信兒子沒破壞書籍,圖書館職員將一本全新的書與其子歸還的書,影一張對比照電郵給家長,結果家長還是賠錢給學校。職員認為︰

書可能都係幾廿蚊好平,但呢個亦都係關乎學生嘅責任問題囉。

網民看到帖文,都認為家長做法有問題︰

依家好多家長都唔係好識教小朋友要好好珍惜公物。

咁都想扮無事,個家長真係教壞小朋友呀!