開完會扮專家 這種人比陽奉陰違更可惡

職場 13:47 2019/05/29

分享:

鄭丹瑞指,自己比較獨裁,跟編劇開會,講明會議期間,任何反對意見,都可以討論,甚至可以推翻

「我最鍾意開會。」損友甲說:「因為每次開會,我都當係休息。聽住成班人在講廢話,個老細又天真到以為班下屬都聽佢點,講到眉飛色舞,班下屬又畀足反應,都輪唔到我給意見,所以寧願閉目養神。

其實會議室內大家都知,開完會後,我們如何執行,老細根本無暇理會。」「我係老細,見盡下屬陽奉陰違,不過總之他們搞得掂,我就隻眼開隻眼閉。」損友乙說。

好事之徒接着發言:「最憎係那些在會議上甚麼都說好、甚麼都話做得到,但開完會,就換上另一副嘴臉:『這樣不可行!』『你睇住呀,這樣一定拖累公司!』開會的時候,他不講,開完會就扮專家,專登作對;呢種人,比陽奉陰違更可惡,因為佢會荼毒公司其他同事。

工作經驗淺的,會無所適從;到底聽老細講?抑或聽你講?到底係入去會議室開會的決定係最後決定?抑或開完會,行番出來後,大家的決定才是最後決定呢?到底聽邊個講才對呢?久而久之,大家就唔會再相信開會係有用,於是,所有會就唔再productive。」

我比較獨裁,跟編劇開會,講明會議期間,任何反對意見,都可以討論,甚至可以推翻;但經過大家同意後,就必須根據大家的決定去寫,除非我自己推翻自己。

撰文 : 鄭丹瑞