疑姚子羚跟Raymond床上合照再曝光 閨蜜爆子羚早知男友花心甘做三奶

娛樂 15:03 2019/05/31

分享:

傳姚子羚跟前男友Raymond的二奶對話錄音流出。

38歲TVB藝人姚子羚,在5月19日被爆與Raymond Young拍拖,更有媒體登出姚子羚和Raymond到泰國旅遊床上照片,更指子羚搭上人夫。不過子羚隨即澄清交往時Raymond已跟太太分開,亦不知床照是何時被拍,並且已跟Raymond分手。不過,今日有傳媒再刊登姚子羚跟Raymond床上親密合照,並流出疑似子羚跟Raymond二奶的對話。

今日有傳媒報導,指疑是Raymond二奶的閨密爆料,除提供姚子羚穿上白色泳衣,在床上攬著Raymond望鏡頭的合照,還有5段疑似姚子羚的錄音聲帶。

該名閨蜜向傳媒指,相片上有GPS定位顯示二人去年10月同遊曼谷,而子羚相片亦有望向鏡頭,似暗示姚早前曾向傳媒稱不知何時被人拍照,懷疑她說謊。

該閨蜜又指,子羚一早知Raymond花心,一腳踏幾船,但子羚好勝,明知對方不成熟,寧做三奶也要跟人爭。

(取自姚子羚facebook)

另外,報導又節錄5段聲稱是子羚跟Raymond的二奶對話,當中對話並無前文後理,內容大致指子羚數算Raymond的花心和不成熟行為,大意如下:

「如果佢可以成熟啲,你老婆就唔會離開你啦....」 

「當然佢唔會話畀我聽,佢老婆離開佢,係因為佢flirt女啦...」

「如果你真係有心想Sarika返去你身邊,咁點解你唔利用佢離開你呢段時間,好好哋做好自己,證明畀你老婆知,你真係愛佢,所以為咗你,我做好我自己,希望你返嚟我身邊,而唔係繼續flirt女、媾女、食女。」

「最終我拆穿咗佢,話我有朋友識你老婆......因為之前我問咗佢好多次,我話我再問多你一次,你係咪去咗見你老婆?佢死口唔認嘅。」

「我哋返緊去佢嗰度時,佢突然之間停車,就話覺得佢好似見到你喺佢屋企樓下等....我覺得佢呢個舉動,係想扮晒嘢,等我知難而退,咁我就唔會上佢嗰度,我當然唔會啦,我梗係特登上佢度。」 

姚子羚前男友Raymond(右一)。

姚子羚一直以來感情處理低調,自去年3月跟富商男友鄭子邦分手後鮮有傳出緋聞。到今年5月19日,被爆出去年與Raymond Young秘戀。二人拍拖8個月分手,姚子羚表示現在為單身。

早前姚子羚已為近日連串風波有感而發,在個人社交平台發文:「 放下藝人的身份,我亦只是個普通人。我沉默;並不代表我畏懼。 我不逐一解釋;亦不代表是事實的全部。世事豈能盡如人意;但求無愧於心。感謝一直相信我、支持我的家人、朋友、同事及你們。我會一如既往,努力工作,去報答愛我的每一位。」

撰文 : TOPick柴犬出動