【包圍立法會】拍片直擊放催淚彈　疑似警察歡呼：睇到都開心呀

「反送中」示威引發本港有史以來最嚴重的警民衝突，警方向示威者開多槍布袋彈及橡膠子彈，並發放多枚催淚彈。截至昨晚10時，已經有72人在衝突中受傷送院，年齡介乎15至66歲，其中2人情況嚴重。網上流出一段疑似由警員拍攝的影片，直擊警方發放催淚彈一刻，期間多名疑似警員興奮討論警方行動，夾雜粗口稱「嘩睇到都開心呀！幾X有氣勢」，片段引來熱議。

警方多次發放催淚彈及煙霧彈驅聲示威者，警方亦有用警棍、胡椒噴劑、催淚水劑、布袋彈及橡膠子彈。昨晚網上開始瘋傳一段影片，片中畫面攝影夏慤道天橋附近，約3至4名人士在討論警方行動，期間眾人狀甚興奮，不時歡呼「Yeah」：

無爆到囉Grenade

嘩...睇到都開心呀！

係呀，哈哈哈哈...

原來真係會開(槍)㗎

咁就似樣喇

忍夠喇

都忍咗你一期佔中啦

唔會再畀你2.0

好型呀你睇吓成排呀！

幾X有氣勢

飛機仔，燒槍！

Yeah！

據發帖人指，拍片者及片中聊天人士為警員，但片段未有影到眾人樣貌，僅可在畫面中玻璃倒影位置，隱約見到片中人上身身穿藍色制服。

有關包圍立法會的最新消息【按此即看】