愛犬離世一周仍放不下思念　小儀悲痛悼念只盼再見一面

DJ阮小儀的愛犬「阮Dee Dee」上周離世，悲痛不已的小儀連日都在社交平台發布愛犬合照，以作懷念。今天（6月17日），是Dee Dee離世的第7天，小儀再度上載昔日跟愛犬的黑白合照，並留言盼望Dee Dee可以回來跟自己再見一面，一字一句令人動容。

▲ 小儀貼上跟Dee Dee昔日合照悼念。（取自IG）

小儀於過去一星期，多次發布帖文悼念愛犬Dee Dee。

Dee Dee離世剛剛一星期，小儀在FB上載抱着DeeDee的照片，她說：「我親愛的DeeDee，你好嗎？今晚零（凌）晨，係你離開遮遮第1個七日。呢一張相片，係你離去前一日，遮遮心血來潮攬住你同你講咗一番說話，遮遮當時已經好冇用，喊到眼都紅晒喇...今日係你離開遮遮第1個七日，如果你冇咩地方去，希望你會番（返）嚟屋企，探吓遮遮同細佬佬（另一愛犬名），你鍾意嘅雞條條同熊仔餅，隨便食啦。Dee豬，多謝你！love u!」

▲ （阮小儀FB圖片）

小儀跟DeeDee相處了15年，彼此感情深厚。DeeDee的離開除了令身為主人的小儀痛心外，更常在IG懷念DeeDee。小儀今日亦在IG留言：「遮遮今日去咗探DeeDee一陣！送咗隻milo仔畀佢！」

▲ 小儀表示剛帶同另一狗狗探望Dee Dee。（阮小儀FB圖片）

小儀很不捨得愛犬DeeDee，一連多天也在社交平台上紓發感受，獲得多位圈中好友如張繼聰﹑DJ Donald﹑關智斌﹑陳敏之﹑方力申﹑龔嘉欣﹑王宗堯﹑車婉婉﹑朱薰和樂瞳等留言安慰。