嫌棄獲派公屋樓齡「老過自己」 網民狠批:有樓仲嫌三嫌四

休閒消費 11:47 2019/06/20

分享:

女子嫌棄獲派公屋樓齡老過自己。

香港地少人多,許多人都心急「上車」,近日有人在網上爆料,指一名女子獲派公屋後,疑似因為嫌棄公屋樓齡太舊,位處低層,睇樓後最終決定放棄該單位,並稱等待下次再獲派公屋單位的機會。事件曝光後,一時引起不少網民批評女子行為,有人表示:「有樓俾你仲要嫌三嫌四」、「有屋住仲想點呀?」等等。

有網民昨日在Facebook群組「小心駕駛(討論別人駕駛態度)」中發帖,公開截圖稱一名女子在網上表示:

食骨頭真係慘,樓零(齡)老過我重(仲)要係2樓。今天已經視察環境了當面拒絕了,博(搏)下次,真係趕不上滿東。

從截圖可見,女子獲派的公屋單位,是位於葵涌的葵盛西邨某座低層2樓單位,每月月租$2057。而從女子上述發文中,她似乎是嫌棄該單位樓齡比自己年紀老,並疑似心儀位於東涌新建成的公屋滿東邨。

事件曝光後引發不少網民關注和熱烈討論,有網民直斥:「有樓俾你仲要嫌三嫌四,唔好要去買樓啦!你想要幾大幾新都有」、「拎返出嚟再抽過」、「有樓好過冇啦」、「俾我不如」、「有公屋仲想點?」、「有屋住仲想點呀?」,亦有人指女子獲派的公屋單位地理方便,交通比滿東邨更便利,笑言她是不識貨。