36歲梁靖琪與28歲男結婚舉行婚禮 Toby展造人大計：目標生兩個 【多圖】
發布時間： 2019/06/30 16:10
最後更新： 2019/06/30 16:20
▲ 梁靖琪結婚。
恭喜梁靖琪（Toby）與圈外男友施雋賢（Jon）結婚了！現年36歲與拍拖近兩年男友修成正果。二人年紀相差8年，亦無阻感情發展，可喜可賀！
Toby在社交網貼婚紗相並寫：「I Married The Love Of My Life #28thJune2019 "A relationship means something complete, finished, parallel. Love is never a relationship, love is relating. It is always a river, flowing, unending. Love knows no full stop. The honeymoon begins, but never ends".」
Toby跟男友早有共識今年內會步入教堂，她鑑於Jon乃圈外人，所以二人一直打算把婚禮低調進行，雙方親友也未有「洩蜜」。
Toby 與Jon 都是基督徒，他們於28日先到教堂，在雙方父母及過百名親友的見證下進行行禮及簽字儀式；晩上婚宴在酒店進行，好姊妹文頌嫻、姚樂怡等都有出席，而湯盈盈、周家蔚、鍾麗淇更充當姊妹團；據現場友人指，新郎哥在晚宴上，向Toby 及其家人作出感人愛的宣言，感動得新娘子忍不住流下涙水。
正式成為施太的Toby興奮地說：「因為老公係圈外人，我地想低調進行婚禮，朋友同親友都好好，幫我地保守秘密，但最不好意思的，是因為晚上婚宴，雙方屋企都有不少朋友，我同老公又好多朋友，所以唔少朋友都請唔到。」
但姊妹團只得三個？她說：「我冇偏心㗎，俾佢地自己揀，睇下邊個有時間可以全日陪住我，好可惜就是阿佘（佘詩曼）因為不在港要開工嚟唔到。」
說到Toby 在台上感動爆喊：「我同老公在晚宴上，向到賀的人道謝，但我事前不知道佢會講一D touching 嘢，當我聽到佢向我同我父母承諾會愛我forever，照顧一生一世 ...我就喊到儍左，姊妹屋企人都有喊，同埋我同老公都係教徒，所以在教堂行禮，感覺好神聖、莊嚴又浪漫，大家唔係只係簽字，係在神父見證下，我同老公都特別感動。」
問到「造人」大計時，老公Jon 表示二人也好喜歡小朋友，父母也恨「抱孫」，所以最希望可以有兩個小朋友，Toby 笑說：「希望目標兩個啦！」
