【反送中】譚詠麟鍾鎮濤不談政治出席撐警集會　何韻詩IG回應：荒謬只會更荒謬

歌手譚詠麟、鍾鎮濤昨日（6月30日）出席撐警隊活動，引起不少回響，不少資深歌迷對此表達不同感受。同為歌手的何韻詩今日（7月1日）便在社交平台分享對事件的看法，自稱作為後輩的阿詩，坦言前輩不應該批評年青人。

何韻詩今日分別在IG和facebook撰文，對昨日幾位資深藝人在撐警集會上的言論，表達她的感受。

何韻詩寫道：

老實講，我其實一直都對所謂『同行』所謂『前輩』比較忍讓，始終都叫做同一個界別，就算點俾記者問，點嬲都好，都盡量唔想點名批評。但原來荒謬只會更荒謬，墮落原來可以如此沒有盡頭，唔可以出聲支持嘅，有苦衷嘅，算，我可以諒解。但要走上台聲援再向弱者踩多幾腳嘅呢啲，絕對不能容忍。

自稱後輩的何韻詩續寫：

一個二個雙重標準，什麼『不談政治』？當年無利益衝突就高調支持北京學生，去跑馬地表現悲壯；過咗三十年時勢唔同喇，而家你地自己屋企有事啊，要你地支持學生就懶高尚『不談政治』，極權要你地低頭就乖乖站台？

一知半解、睇咗幾條片就覺得掌握真相嘅人，你哋冇資格批評我哋嘅年輕人。你哋催眠到自己，都說服唔到真正嘅香港人。

▲ （取自facebook）

另一歌手黃耀明，同樣在IG上分享個人感受，並指「不想談政治」屬自欺欺人。

明哥寫道：「不想談政治？當你踏進這個公園，踏上這個舞台就已經非常政治，何況你不談政治，政治會找上門，所以不要掩耳盜鈴，自欺欺人。」