幼稚園老師應該為誰而忙？迦南幼稚園校監：老師有時間不如多陪小朋友

身為兩個孩子的爸爸，經濟壓力一定有，而且不小，尤其我這樣無才無德的爸爸，工作少一陣都會感到不安。不過忙，是否就是父母無可挑戰的理由呢？有時都真的要思考，父母努力工作，是為了讓屋企生活好些，為了小朋友，但實際上又因為工作錯過了多少與小朋友的相處時間。

最老土地問，工作的「初心」是甚麼？最近聽到不少幼稚園都心灰意冷，不是單純因為工作辛苦，辛苦就一直都辛苦，而是女因為不務正業，做甚麼呢？每月每位小朋友一份評估進度報告，又寫文字報告，又要影相，還要拍片。

無錯，老師面試需要考剪片技術，好多元智能，好多幼稚園都因為「家長鍾意」做餐死。我身為家長都唔明白，點解有幼稚園會逐個月評估小朋友學了多少英文，或者幾時平行到單腳跳⋯⋯片段更加是唔會睇，屋企可能光碟機都沒有啦。

更令人費解是做道具及壁報，靚過電視台的廠景，道具還可以說給小朋友玩，壁報擺明不是給小朋友做，而只為給家長或不知道哪個嘉賓睇。小朋友呢？可能第一日有感覺，之後沒有甚麼特別。到底校長要求老師在壁報上黐膠花時，有無想過幼稚園應該為誰而忙。

我識得有位校監，就講左這句說話：「壁報做來做乜，唔洗啦。布置做來做乜，有得買就買啦。老師有時間不如多啲陪小朋友啦，做幼稚園唔對小朋友，你地做幼稚園為乜？」呢位是迦南幼稚園的林薇校監。

詳細訪問將於香港電台第一台《我們不是怪獸》「梁永樂-怪獸爸爸and friends」周日晚十點新聞後播出。