【DSE2019】林日曦由中文考E到創辦上市公司 腦細勉勵同學:成績差唔會壽終正寢

娛樂 11:42 2019/07/10

分享:

林日曦以自身經歷鼓勵考生。

第8屆中學文憑試(DSE)今日(7月10日)放榜,林日曦在社交平台貼出「上堂瞓覺相」,並以自身經歷鼓勵學生。自嘲為垃圾學生的林日曦,曾公開當年會考成績考獲7分,如今的林日曦已為《100毛》的「腦細」,可見成績不理想的他仍然做了很多喜歡做的事。

今屆DSE共誕生了12名狀元,然而有人歡喜有人愁,部分成績不理想的考生,不應自責或困於憂愁情緒內。

(林日曦FB圖片)

林日曦以過來人身份勉勵一眾莘莘學子,他於fb貼出一張在「上堂瞓覺相」並分享自身經歷。

他留言:「費事成日都post我嗰張成績非常差嘅會考證書,講下其他嘢。回想當年,我係個成日上堂瞓覺、唔鍾意讀書嘅垃圾學生。有一次我仲考考下試,因為唔滿意個副校長叫醒我,發爛渣走咗去。我會考成績當然好差。

林日曦寫道:「我覺得咁,唔好學我日日上堂瞓覺,畢竟瞓得多都真係會攰,同埋努力讀書都係應該。但萬一放榜成績差,都真係唔使劣,大個回頭望返真係好少事,唔會壽終正寢。好似我咁,大個咗之後勤力返少少,加埋少少死好命,係唔會餓死的。你睇我仲可以做到好多自己鍾意做嘅嘢(例如un腳同埋喺辦公室入面繼續瞓)。」

(林日曦FB圖片)

林日曦曾於社交平台上載其會考成績表,考獲7分的他不但中英文均只得E,中史及會計亦不合格。

不過會考成績不理想無阻林日曦成為「腦細」,他後來與陳強、阿Bu一起創辦了《黑紙》、《100毛》、白卷出版社、「毛記電視」,更獲萬華集團入股注資,至今成為了年輕人中無人不識的「腦細」。

踏上創業之路的同時,林日曦也為著名填詞人林夕徒弟之一,曾為多套電視劇主題曲填詞,很多作品也成功入屋。他說:「填詞係一種好講毅力的工作,你要好唔放過自己,死諗爛諗先完成到歌詞。咁艱辛地完成到好開心,完成得好更有滿足感。」

林日曦發展過不同範疇的文字工作如出書及撰寫專欄,而在並心目中賺錢不是最重要的,「覺得樣樣嘢都好難,難在你隨時都會執笠,所以唔死得,就當成功。」

撰文 : TOPick柴犬出動