DSE放榜勉勵學生勝不驕敗不餒 鄭丹瑞︰路再難行有我同行

親子 16:35 2019/07/11

分享:

DSE放榜,鄭丹瑞勉勵學生「成績好不必驕傲,成績差毋須氣餒」。

「時代咁進步,但係唔知大家發唔發覺;『放榜』呢兩個字,好似考狀元、榜眼、探花咁,十分落後、十分傳統、十分有壓力。」好事之徒說:「放榜那天,全世界的媒體都在追訪十優狀元,吹捧到上天,然後我們就會在電視機面前,見到一班憂心忡忡的家長,考試未能盡如人意的莘莘學子,四圍撲學位的狼狽畫面。

「放假同放榜,只差一個字,但係對一班面對放榜的年輕人來說,就係天堂地獄同一日發生!所謂求學不是求分數的神話,在放榜這一日,被揭破戳穿;因為每一間學校決定收唔收你,完全睇你放榜考到幾多分?呢種自打嘴巴的教育制度,根據官方解釋,就係『行之有效』的既定程序,有必要時會檢討,年年話檢討,年年放榜之日,依然係人心惶惶。」

好事之徒之所以能夠成為我的「閨密」,其中一個原因,就是他和我一樣,對香港教育制度的功利主義,既肉緊,又反感。遺憾我們一班辦教育的高官,他們的懶惰和短視,令這情況在未來五十年都不可能改變。

作為創作人,我最喜歡跟年輕人合作。我去挑選合作夥伴,從來不是因為他考試成績年年第一,而是他的學習態度。放榜,只不過是一次人生的小考驗,成績好,不必驕傲,成績差,毋須氣餒,保持正確的態度,前面的路,再難行,都會行得興高采烈,起碼,有我同行。

原文刊於《經濟日報》專欄「依然快樂」,原題為「放榜」。

撰文 : 鄭丹瑞