呻太悶計劃回港工作住劏房　50歲巴打移民台灣3個月：好似等死咁

修訂《逃犯條例》風波不斷，當中有不少人對香港前路感不安，萌生移民念頭。當中台灣移民門檻較低、文化相近，相信是熱門選擇，但有已移民台灣的巴打近日發文，卻表示現在的生活「好似等死咁」，反而打算回流香港，引起網民討論，當中不少人「唔明你點解想返香港」。

▲ 巴打於高登討論區發文。（圖片來源：高登討論區截圖）

該名巴打7月7日在「高登討論區」以「移左民響台灣3個月無做野已經悶到喊」為題發文，提及自己現年50歲，在退休後移民台灣。他表示，本來以為移民生活是「好正既事」，但過了3個月後，居於新北市的他覺得到信義區路途遙遠，「要坐成個鐘捷運」，有感「出到去又係齋行街好off」。

因此他大呻當地生活「好悶」，更形容「好似等死咁」，

我又唔鍾意出街，除左買餸就唔會離開屋企！日日除左訓覺就係上網，做人完全無目標！

所以打算在明年領取台灣的身份證及護照後，就回到香港工作，更問及現時劏房價位，做足準備。

不過其他網民就反而留言表示羨慕台灣生活，指「唔明你點解想返香港」，覺得「香港人做嘢又X」、「嘢又難食」，甚至直斥「移民廢老就係咁，畀你走到又要回流」；亦有人認為「悶嘅人去邊都悶」、「你唔鍾意出街去邊都悶架啦」，所以指出「重點係人，唔係地方」。

大部分人建議樓主可在當地找工作、兼職，又或者做義工、到社區大學參與興趣班、參加大學生社團活動，以消磨時間，指「50歲唔做野，好快死」，

呢啲年紀，無嘢做，無嗜好，日日無所事事，好快退化。