【鄭秀文演唱會】謝安琪任嘉賓唱《囍帖街》 Kay爆Sammi曾穿盛裝到家中探訪

娛樂 12:05 2019/07/17

分享:

謝安琪任《鄭秀文演唱會》第5場的嘉賓。

天后鄭秀文(Sammi)越唱越起勁,昨晚(7月16日)的《#FollowMi 世界巡迴演唱會》第5場演出,全場勁High,圈中人蔡一智、蔡卓妍、鍾欣潼、周慧敏、倪震、鄧萃雯、張繼聰、余德丞和蔡思貝等捧場。「最索人妻」謝安琪任昨晚嘉賓,台上大爆Sammi曾以盛裝探剛生完BB的她,令Kay受寵若驚!

今次是Sammi第10次紅館個人演唱會,她特別加入藝術表演,讓觀眾感受不一樣的演出,就連表演嘉賓也令人意想不到。昨晚當謝安琪從升降台出場和她合唱「默契」時,Sammi以「最索人妻」介紹出場,觀眾驚喜嘩然。

(大會提供)

Kay抱著Sammi纖腰謂:「好正呀,雖然成日睇你演唱會,但未試過咁近,可以攬住,好正呀!」Sammi表示大家都好奇她與Kay關係,其實他們私下是好朋友。

Kay又大讚Sammi很好人,笑指自己是個怕醜的人:「你第一次同我講祝福說話又為我禱告,嚇死我,我真係受寵若驚。同埋你好真心,台上台下私下傾偈都係咁真摯、咁用心……我想喊!」Kay然後抱著Sammi,再爆料於她早前誕下幼女時,Sammi帶同雷頌德太太前來探望,Sammi更口誤指對方是馮德倫太太,後來自己亦不禁大笑失魂。

倪震、周慧敏夫婦。(大會提供)

Kay續說:「我心諗點解你個人咁好?好到晏晝嚟我屋企,仲要著到鬼火咁靚喎!」

Sammi笑指自己平日落街倒垃圾都穿得如此嬌豔,Kay又謂:「你突然嚟我屋企又搽晒紅唇,好隆重,我受寵若驚,我全家人都好緊張,所以印象好深刻。」Sammi 笑說:「你奶奶好熱情,我哋傾咗好耐,其實我想扯架啦,佢幾乎想請我食埋消夜!」

蔡一智(右)到來捧Sammi場。(大會提供)

Sammi 笑指想請年紀比她大的女歌手做嘉賓實在不容易,所以都請來年紀比她小,加上她很喜歡與新人合作:「喺新歌手身上我學到好多嘢,我都鍾意同新樂手、樂隊、Rapper合作,佢哋帶畀我新靈感。」

之後Sammi準備落台請Kay唱《囍帖街》,但Kay要求合唱,於Sammi說:「唔得,唱埋我換唔切衫啦!」然後一邊落台一邊與Kay互講「I Love You」,好鬼冤氣!

撰文 : TOPick柴犬出動