粉絲驚安の殿堂朝聖$88買2個爛水蜜桃　顧客︰見內地人拎起生果睇完扔番落去

日本雜貨店「驚安の殿堂」在香港開設分店「Don Don Donki」，更為24小時營業，上周五（12日）開幕吸引大批市民入場「朝聖」，但由於人流太多，要入內行逛動輒要輪候1至2小時，若要購物又再等近1小時方可結帳，情況非常「墟冚」，仍無損「粉絲」的熱情，瘋狂掃貨。不過，有市民在店內購買$88元/2個的日本桃後，卻發現品質有問題，亦有市民見到有顧客選購生果時，大力「投擲」認為品質不佳的生果，令生果加劇變壞。

鄭小姐早前在Facebook「中伏飲食報料區」發帖，指家人在周日（14日）晚上到尖沙咀「Don Don Donki」，購買$88元/2個的日本桃，分別在周二（16日）及周三（17日）晚上切開來吃，發現兩個桃表面有少少爛，且沒有甜味，

似係跌爛咗，唔甜又無味！

帖文引起網民討論，有人指曾在店內，發現有人揀生果時，「一啲都唔小心」，隨意擲掉，令不少貴價生果慘變「街邊普通貨」，

我第一日去，見到的內地人係咁拎起生果睇完掉番落去，真係掉，所以我一樣都無買！

亦有網民指有工作人員將桃交予顧客時，已註明「即日食」抑或是「隔日食」，當時已購4個桃，只有2個桃是甜的，另外2個則不甜。

「Don Don Donki」發言人表示，店內所售賣的桃均由日本空運到港；對於有顧客指桃的質素不佳，發言人指屬個別情況，而店方亦會因應情況，會提供換貨或退款機制。

至於有顧客指部份貨品被人擲落貨架，令貨品損毀，發言人坦言是「第一次聽說」，亦沒有收到投訴，會通知職員留意，並會定時檢視貨物，尤其是生果類，會在早午晚巡查，如發現食物被弄壞，會即時抽起不再出售。

專賣高級水果的永富食品公司負責人負責人陳錦輝（輝哥）表示，行內人會以「小氣」來形容水蜜桃，因它又林又多汁，且非常容易花損，又易「撞瘀」，即使輕輕一按，15分鐘之後就會出現「瘀痕」，故大多數生果店都不會隨便將水蜜桃放出來，

客人檢驗生果是他們的權利，但一些易爛的生果，如士多啤利及提子等，我們通常都會由職員取出讓客人檢查，但客人不能大力按壓！

輝哥又指，超市出售的水蜜桃雖然有網包裹，但仍難以敵過顧客「又捏又㩒」，所以超市生果的「消耗量」會非常多，且因成本太高，超市難以派員長時間守候生果架。他稱，顧客最好都是在小型生果店購買貴價生果，若真的需在大型超市購買，就要檢查清楚。