結婚22年蘇志威劉小慧恩愛如昔　愛妻號支持太太做KOL「得閒修女」

蘇志威與劉小慧結婚22年仍恩愛如昔，蘇志威更經常在個人社交媒體不經意放閃。昨日（7月24日）是劉小慧48歲生日，愛妻號蘇志威亦相當了解老婆心意，用雜菜花代替生日鮮花，送完自己又有得食，蘇老闆，你係得嘅！

▲ 蘇志威IG不難發現劉小慧身影。（取自蘇志威IG）

蘇志威在Instagram分享與劉小慧的合照，照片中可見蘇志威以雜菜花代替鮮花，並寫：「我就知道，老婆收雜菜花，一定開心過收真花，送完花，我聽日仲有羅宋湯飲。」，最後更配上勝利手勢增添成功感。

▲ 蘇志威盡顯幽默本色。（取自蘇志威IG）

網民對於蘇志威的舉動非常受落，留言表示：「又sweet又環保，重有得食添！」，更大讚蘇志威是「Sweet and funny husband 」。

劉小慧也在Instagram感謝大家的祝福：「今年嘅生日過得特別快樂，因為今年有了新嘅方向，努力地經營自己嘅社交媒體，身邊多咗每一個嘅你哋陪我過。祝願各位更開心、更快樂、簡簡單單、健健康康過每一天。」

▲ 48歲的劉小慧保養得宜。（取自劉小慧IG）

她續指「朋友們送咗個蛋糕俾我，幫我改咗返花名，笑到我抽筋，你地又估下佢寫咗咩字？如果係你，蛋糕上既XX 會寫上什麼字啊？嗱，唔可以講粗口㗎，又要形容得好貼切，真係好難。」 最後更標籤「得閒修女」。

▲ 劉小慧的直播中，會以Honey介紹蘇志威。（影片截圖）

劉小慧近期於網上開直播為大家解決難題，每次老公蘇志威有空陪伴一起開直播時，劉小慧都會標注特別嘉賓：「係啊 我Honey 蘇志威Soboss」。

蘇志威亦經常在Instagram和太太的合照，早前更用變老App把自己變老，襯托身旁的劉小慧。