【鄭秀文演唱會】古天樂現身尾場唱《男朋友》　Sammi取笑古仔重要性如廁紙【有片】

鄭秀文（Sammi）最後一場《FOLLOWMi鄭秀文世界巡迴演唱會》，今晚邀得Sammi好友古天樂做嘉賓，鄭秀文一如之前唱到唱到《默契》時，介紹嘉賓古天樂出場，並以「叱咤樂壇最受歡迎男歌手」介紹古仔，古仔舉起雙手，重演當日上台動作，Sammi和古仔並溫馨合唱。

古仔出場後，和Sammi手拖手繞場，古仔亦有跟Sammi合唱《默契》，全場勁high歡呼1分鐘。

▲ 古仔以早前得叱吒獎甫士上台。（攝影：陳心怡）

Sammi台上取笑道，解釋為何常都請古天樂做嘉賓：「你知唔知個冇你做嘉賓係點？就好似大便冇廁紙咁，收唔到科。」古仔即接上：「你今晚大完便啦，可以圓滿結束了！」

鄭秀文指次古仔以演藝人協會會長舉辦首個慈善晚宴，她當日肚痛不適都出席，可見對古仔很好，古仔笑道：「係呀，你上次就肚痾，今次就大便。」

▲ 古仔一早已入場觀賞。（攝影：陳心怡）

Sammi又指古仔是踩場，觀眾很期待他唱歌，只要古仔開腔，大家就很高興，所以古仔一定要唱歌，古仔聞言稱：「我唔識唱，唱得唔好啲觀眾會原諒我呀嘛！」

▲ (攝攝:陳心怡)

古仔叫Sammi去換衫，之後他獨唱《男朋友》，又邊唱邊與觀眾握手。

今晚另一嘉賓是韓團GOT7成員王嘉爾，他跟鄭秀文合唱《Creo en Mi》。

▲ 王嘉爾任另一嘉賓。（圖片：東星）

演唱會於晚上約11:10完結，完成鄭秀文第十次紅館演唱會。