【生仔要考牌】兒子分不清「隻」和「對」　港媽車廂鬧仔：返去打你10下

教仔要慢慢教，有女網民分享近日搭港鐵回家途中，見到一名港媽不滿兒子分不清「隻」和「對」，港媽感到勞氣，甚至在車廂内打罵兒子，引起網民熱議。

有女網民近日在「生仔要考牌系列」發帖，稱在港鐵車廂，見到一名30多歲媽媽帶著約小一、二的兒子，期間不停指罵兒子，

對！我問你咩！點解係對！隻呀！隻呀！對咩呀！五個人有幾多！十！十咩呀！我問你隻！你點解答對！十！十吖嘛！我返去就打你十下！

帖文稱，該名小朋友顯出驚恐表情，但媽媽不加理會，還是繼續罵，「十吖嘛，我返去就十下咁打！」。樓主最終忍不住上前勸阻，「太太，唔好咁惡鬧個小朋友啦，佢真係好驚。」

▲ 港媽在港鐵車廂中狂打罵兒子。（相片來源：生仔要考牌系列 facebook）

當樓主和該對母子同時落車，她致電育有孩子的朋友，詢問有何建議幫到該對母子，豈料她見到該名媽媽好大力打駡罵孩子，

個媽媽啪一聲打個小朋友，好大力咁又打又鬧。我即刻收線去睇咩事，打多幾下之後，佢由角落張櫈行去中間多人嘅位再鬧。

當出了港鐵閘口，該名媽媽竟向客戶服務處投訴樓主尾隨她，

佢跟住我！佢跟我返屋企、佢跟我返屋企、佢跟我返屋企呀！我要報警，報警呀！

雙方發生爭執，港鐵職員在場調解。樓主在文末坦言，擔憂小朋友因情緒受困出事，

呢位媽媽，如果你自己有病，麻煩你去睇醫生，但係你小朋友無辜，唔好迫死佢，我希望個小朋友無事。

帖文一出引起網民熱議，有網民感謝樓主的熱心；亦有網民稱，「其實小朋友都要面子，有咩唔可以返屋企先教。」；另有網民稱，「不愉快經驗真係好影響成長，自己係過來人亦都唔喜歡屋企人。希望個媽媽將來唔好後悔同唔好問點解個仔會點點點。」