【反修例】上前為示威者檢查急救被警阻止 郭家麒:警方要我3呎外睇病人

健康 12:18 2019/07/29

分享:

郭家麒上前為示威者檢查急救被警阻止。

有市民昨日(28日)在中環遮打花園集會,追究警方上周日在上環開槍造成多人受傷。原定集會並遊行至中山紀念公園,但警方早前發出「反對通知書」,只批准在中環遮打花園集會。但集會開始後不久,大批示威者走上街頭遊行,雙方發生衝突,警方其後施放多枚催淚彈清場,多名示威者被捕及受傷。

公民黨立法會議員兼私人執業泌尿外科醫生郭家麒昨晚亦到現場,上前為示威者檢查急救時遭警方阻止,警員要求郭家麒3呎外驗傷,引起郭家麒不滿。TOPick正向警方查詢有關事宜,等待回覆。

郭家麒在其facebook專頁發佈短片,只見郭家麒見有示威者頭戴面罩、雙手反縛在背後受傷,遂上前為示威者檢查急救,「我係郭家麒議員,有無受傷?」但被警方阻止,「行後少少」、「得喇,我哋處理,我哋叫緊救傷車,退返黎ok嗎?」。

郭家麒稱,「佢宜家有傷,叫咗救傷車未?如果有需要急救,我係到做急救」,當郭家麒查看後發現示威者耳後受傷,警方又阻止他接觸傷者。

期間郭家麒和警方發生爭執,郭家麒稱,

我係醫生嚟架,你做乜嘢?我睇病人都唔得?你傻咗呀你?我好冷靜,你哋警察想推我走,我係議員又係醫生你係唔係想打我?我好冷靜,我睇個病人得唔得?你可唔可以行開啲。

當警員稱,「你係我後面好唔好?」此言論引起郭家麒不滿,

我係你後面睇病人你傻架?你有無睇過醫生呀?我係議員、醫生,佢地大聲喝要我3呎嚟睇病人。

郭家麒其後表示,曾要求與在場指揮官對話,但等候一小時仍未獲警方回應。他續指,

我哋見到今日(28日)無論係放催淚彈定好多子彈,都係不必要,所有區域入面我哋見到好多街坊,好多老人家、小朋友、BB,行都行唔到,係到喊係到嘔,就係因為啲催淚煙令到佢哋屋企都返唔到。

郭家麒斥責,警察打示威者及施放催淚彈,只會令大家的仇恨及衝突加深,批評前線警察及指揮官做法極不專業。