【怪獸家長】兒子發燒不准探熱 港媽迫診所發健康紙返學︰你唔讀好書會後悔

親子 18:05 2019/08/02

分享:

一名港媽帶發燒的兒子入診所時,要求診所發出健康紙讓兒子如常上學,令兒子相當不滿。

小朋友生病請假在家休息,亦可避免傳染同學,但有港媽擔心兒子生病上少一日學,會影響將來。港媽帶發燒的兒子去診所「看醫生」,拒絕讓護士探熱,並強調兒子健康,要求護士及醫生發出「健康紙」,讓兒子可以上學,令兒子忍不住反擊。

診所護士「珍寶豬」在facebook專頁《診所低能奇觀》一篇帖文分享道,一對母子到診所登記時,港媽要求醫生發出健康紙,讓兒子可以如常上學。護士見男童面紅疑似發燒,提出先探熱,竟被港媽拒絕,「佢冇燒㗎!」

兒子忍不住細細聲向護士證實自己正在發燒,港媽即叫兒子坐在一旁,大聲呼叫︰

冇呀你冇事㗎,咩事都冇呀!你坐喺度得㗎喇!

護士不忍,取耳探再上前嘗試為男童探熱,再被港媽阻止,「個仔我嘅,佢有事唔通我唔知咩?」護士無可奈何,叫兩母子入到醫生房才探熱,港媽再多次提醒兒子,要向醫生說自己無事,讓他如常上學。

兒子終忍不住出聲,質疑為何要講大話︰「我真係唔舒服,我真係發燒㗎!我唔舒服想抖吓呀!」港媽叫兒子收細音量,並揚言︰

你唔返學唔讀好啲書,第日會後悔㗎!

港媽再搬出大道理,直言希望兒子返學努力讀書,有美好將來。

都係為你好啫,第日你成家立室有仔女就知為人父母係幾辛苦㗎啦,你會知道我咁做都係為你好,第日你會多謝我,明我苦心㗎喇。

兒子不領情,更反稱︰「我寧願你冇生我出嚟!」媽媽直斥其非,表示好心痛。兩母子不再說話,入到醫生房,亦不獲醫生發出健康紙,如常批出病假紙讓男童休息,護士指港媽也向醫生嘈吵了一輪才收口。

網民一面倒批評港媽害了小朋友,媽媽才是有病要去看醫生,戥兒子可憐。有人認為,一句「為咗你好」,令父母盲目害了很多小朋友。

如果無咗健康,就算幾有成就都無用。希望阿仔唔好病到入醫院搶救,個阿媽先醒。