【包青天】張振朗樂天面對每一個逆境　虛心聆聽負評：批評使自己進步

在兩岸三地以「包青天」為題的劇集無數，TVB新劇《包青天再起風雲》當然難免被過去的包青天劇比較。在《包青天》演展昭的張振朗，更是由出道至今一直被人比較，幸樂天知命的他卻從未因此困擾：「知道自己係做緊張振朗就得。」

首次拍攝有武打戲份的古裝劇，張振朗直言整個過程非常艱巨。在開拍《包青天》前剛好與《堅離地愛堅離地》撞期，未能進行足夠的武打訓練，同時因意外被帳蓬欄腰擊倒造成腰傷，令演出「展昭」一角困難重重：

絕對是頂硬上，不斷挑戰緊自己，不論武打、吊威也定騎馬。有個武指成日講：『你係咪男人嚟嫁？』想激勵我去做，有日佢話『你終於係個男人喇！』，其實好開心，證明這段時間我蛻變做另一個人。

▲ 因為腰傷的關係，張振朗的打戲推到後段才拍攝。（TVB劇照）

拍武打戲少不免受傷，張振朗試過一日之內四次墮馬，有次頭部還險撞石壆，墮馬後躺在地上動不了的他第一反應問劇組：「個鏡頭用唔用到？」他笑言在此劇經歷了不少「傷痛」：「有一日痛到兩隻手都舉不起，似係跛咗咁，那種恐懼，當刻真係想喊。」

雖然承受著傷痛，但張振朗竟直呼「過癮」，提到後來劇集《機場特警》要拍一場他由一樓跳落地下的場口，他花費唇舌說服武指讓他親身上陣：「因《包青天》經歷了那麼多東西，想要給觀眾見到個角色的力量，所以覺得一定親自要去做。諗返轉頭雖然拍攝過程好艱辛，但所有得著都是我自己。」

▲ 天生樂天知命，面對逆景也將其演化成磨練。（湯炳強攝）

本來他於今年將有5套劇出街，無奈《堅離地愛堅離地》、《牛下女高音》及《機場特警》這3套劇都因各種原因被抽起，被封「地獄黑仔王」的張振朗，想起人生早遇過低潮：「有段時期接演過重戲份的角色，轉頭又演返路人甲、警察乙。」

直到近年拍劇受傷、參演劇集連續被抽起，訪問當天更自爆日前在高速公路爆車軚，憶起種種黑仔經歷，他竟全程帶笑分享：「其實我都幾黑，但又開心喎。覺得演員就是需要經歷，有哪個演員試過3套劇都播唔到出街？所以好難得。最重要睇你用甚麼心態去面對，最緊要開心，個人就會好。」

全程笑容滿臉的張振朗，自認性格個樂天，指身為公眾人物必然需要面對負評：「我會同其他人一齊彈，批評埋一份就會見到自己有何缺點、可以如何樣去改進，心理調節都會好一些。本身樂天，瞓醒一覺就無事。」

比如他早前為了操肌，劇接劇之餘還凌晨去健身房，怎料傷到腰間影響拍劇進度，當下覺得好失落：「無辦法只能等佢康復，拍《包青天》初期要撐住枴杖去拍，其實急都急唔到，唔會今日怨點解，第二日就好返，只能夠同自己講，捱過了就無事。可能我一向都比較樂天。」

▲ 曾參加新秀的張振朗，希望有機會在九展開騷：「坐唔爆都唔緊要，至少俾我試一次。」（湯炳強攝）

提起展昭觀眾總會想到何家勁在1990年代的經典演出，張振朗坦言：「開頭知道自己做展昭都會話：『唔係話？我做？』覺得自己唔似啦，一直都覺得展昭是何家勁嘛！他最有型最靚仔最英氣，圈內都很難找另一個人去做展昭。所以有些動作真是要親身上陣，先覺得對得住自己。」

張振朗自知經典無法超越，於是希望能出演一個具有個人風格的展昭：「劇本都賦予了我是個年輕、會撞板、有趣的展昭，編劇都想有另一個切入點。我在劇中做五品官，何家勁演的是四品，所以我是他的前傳。」

除了與何家勁比較，初出道挾著「翻版黃宗澤」之名，以及後來在《Sunday扮嘢王》因模仿張智霖（Chilam）非常神似，似乎令張振朗一直都面對不停被比較、與其他人掛鉤的問題。

對此，他說得雲淡風輕：「睇淡咗喇，當日如果不是扮得那麼神似，都不會有那麼多人講我。到現在有人叫我Chilam，我都會打招呼，知道自己唔係扮緊佢、做緊張振朗就得。」

▲ 現實中與兩位姪子打成一片，拍劇遇上小孩絕對難不倒張振朗。（TVB劇照）

2006年參加英皇新秀，後來在2011年入無綫訓練班而進娛樂圈行，張振朗感激家人多年來的支持，媽媽會煲湯水滋潤經常捱夜的他，同住的兄嫂又會為他打理日常家務，讓他放心去工作：「當我開始搵到錢，第一件事就是請他們去旅行，開住車在日本載他們周圍去，是咁大個仔的一個心願！亦是最近好開心的一件事。」

除家人的支持，另一半亦非常重要。提起同為演員的女友楊偲泳（Renci），張振朗露出甜到漏的笑容，多次強調與女友在一起感覺好舒服：「大家好投契好舒服，今日套衫都係佢幫我襯。覺得做演員好辛苦好多壓力，想有個伴可以陪你傾下計，分享下日常生活。大家都好鐘意演戲、以事業為先，做好工作先係大家最應該要做嘅事。」

▲ 提起女友，張振朗不敢露出冧爆甜笑。（湯炳強攝）

事業心非常重的他提到工作上的目標，張振朗揚言想出演一個具影響力的角色：「每個人天生都有使命，我想自己唔係單純做一個演員。好似《英雄本色》咁，會不會有一個角色可以影響一整代人。」喜歡自嘲的他笑謂：「可能係展昭都唔定，不過難啲喇我相信。」

場地：桔梗