【樂壇小強】阮民安曾住劏房受盡白眼 Tommy遇愛妻改變人生變正義男神【有片】
發布時間： 2019/08/09 18:00
最後更新： 2019/08/16 18:36
▲ 警員佐級協會以「曱甴」比喻示威者，被封「樂壇小強」的Tommy卻對「蟑螂」有另一番體會。
《逃犯條例》修訂引起連月來引發多次遊行集會活動，阮民安（Tommy）現身旺角義載，Tommy仔有如漆黑中的螢火蟲一樣，載著口罩意圖低調的他，仍被電視台直播影到，截圖瞬間在網上傳開，網民把Tommy仔與「典型男神」作對比，過去與MK、小強脫離不了關係的Tommy揮低男神，成為網民心中的「真男人」。
現年39歲的Tommy，18歲已經在餐廳表演，2002年以22歲之齡，挾著組合E-Kids之名出道，當年樂壇組合風氣盛行，E-Kids可謂其中的代表。
可惜Tommy於2006年爆出「澳門事件」讓他人生陷入低潮（當年有指Tommy在澳門捲入欠債糾紛），此後多年負面新聞累累。2013年Tommy才決定以新面貌「復出」，並推出歌曲《踩唔死我》，卻被網民封「樂壇小強」。
Tommy坦言不算喜歡「樂壇小強」這個封號，笑謂：「想當年我都係個偶像派歌手嘛！韓星之前，我哋都唔少料嫁！」
但慢慢他感覺到這個名字的「影響力」：「一開始大家想笑我、（件事）係負面，但慢慢發現開始有人會以『樂壇小強』自稱，先發現個名係咁犀利。」
世上大部份具影響力的人，包括Tommy太太Eva，都喜歡以正面能量去感染他人，但他卻有另一番體會：「我用哩個方向，原來都啟發到人，例如會話『係喎Tommy都做到，我都努力啲先』。大家繼續加油，我都希望慢慢將自己拉返去正面啲嘅軌道上。」
重提人生低潮期，Tommy說得淡然，憶起2006年組合解散、簽約電影公司，本來可以向演員方向好好發展，卻爆出「澳門風波」，形象馬上掉落至谷底：「當年當然好想去澄清啦，但係發現當刻大家覺得你係錯嘅人，你講乜都無用。」
事發時Tommy身在橫店拍劇，報導出街後情緒崩潰：「日日係度喊好驚，個時剛入電影公司，都幾萬千寵愛在一身，當時又返香港宣傳單飛第一隻歌，剛好出咁大單新聞真係攞你命。」
本來想約傳媒做訪問以作澄清，但當時拍劇同場的張栢芝的囑咐，令Tommy印象深刻：「栢芝話你而家講咩都錯㗎喇，到有一日大家想重新認識你個時先慢慢講啦。當時好委屈，之後其實一直都無點講過，但發現原來已經唔需要再講再澄清，大家覺得係就係啦，我已經做緊另一樣嘢。」
形象負面令工作因而減少，就算開有工開也難以維持生活，Tommy一度要入住「劏房」：「唔好意思再叫屋企人畀錢去租貴地方住，同時有少少似想懲罰自己。但係嗰度住咗一年，個人會越住越頹。」
為了要脫離消極的想法，最後Tommy搬到唐樓租住：「至少唔好屈住係個空間入面，再慢慢諗可以做啲乜嘢。回想返個段時間相對係比較慘、及諗唔通嘅時候。」
幕前走不下去，2009年Tommy嘗試與友人投資幕後製作公司，但發現經營不下去更開始虧本。
Tommy坦言當時欠下許多債務，亦試過開口問人借錢：「好多我哋呢種Grade嘅藝人都有發生過，唔係新鮮事亦非羞恥事。」
Tommy更自爆其實曾經試過轉行，考慮到「不要露面」於是選擇應徵電話投注：「面試後要去沙田馬場實習，個畫面永遠記得。踏入課室門口，全場近200人一起轉頭，竊竊私語叫我個名。我一秒就回頭離開學校，當下壓力太大喇。你可以話我無膽、無用，但我有試過。」最後轉不了行，Tommy再嘗試挑戰幕後工作。
一直在谷底徘徊的他，2012年看到曙光，當年Tommy認識到太太、網紅「原宿女神」Eva：「當時只得一份工作，主力做Eva的軍師。」
Eva於日本的經理人職務，全由Tommy負責，這位默默在背後努力的軍師，終於在二人結婚消息公佈一刻，才被世人得知：「你睇下我哋收得幾密，我只想證明我做嘅嘢無錯，純粹你哋唔鐘意我。如果啲人一早知我同Eva合作，可能影響緊佢、對佢唔公平。到知道佢結婚對象係我時大家都好驚訝，原來過去幾年我幫緊佢，又做得幾好，就無得鬧喇。」
雖然太太的工作與二人的家庭，佔Tommy八成的時間，其餘的時間他才用來安排自己的工作，例如今年與日本攝影大師米原康正在港舉行的作品展，以及首次舉辦的舞台劇《夜谷賓館營業中》。
2002年入行，明年是E-Kids出道的18周年：「雖然中間15年無嘢做，但都出咗道18年吖！」提到《開始戀》後有《終止戀愛》，當年由E-Kids、EO2與SiSi張詠詩合作的舞曲《魅力移動》，Tommy亦有考慮到推出續集：「呢十年八年都無乜咁樣一班人跳舞嘅歌，雖然年紀大咗，都仲跳到嘅。希望可以重組到一班人搞返個合作，如果唔得都想有個E-Kids 18周年嘅計劃。」
場地提供：大樹先生的家（皇室堡）
撰文 : 陳心怡 TOPick記者
