【反修例】網傳$3000邀外傭加入黑衣示威 僱傭組織:明顯是假消息!

社會 14:41 2019/08/09

分享:

有訊息流傳有人以$3000的高日薪邀外傭加入示威。

反對修訂《逃犯條例》風波持續2個月,傳言一直滿天飛,最近網上流傳一則WhatsApp訊息,指有外傭(工人姐姐)被邀請加入「黑衣」行列,以參與一晚活動就可以最得高達$3000的薪酬,因有數百名黑衣人已捕,「人手唔夠、開始向工人姐姐埋手」。香港僱傭代理協會主席張結民坦言,近兩星期收到不少同類訊息,形容訊息廣泛流傳且不真確,並已將消息通報菲律賓及印尼領事館,日內亦會各會員發訊息釐清事件及重申僱主僱員注意事項。

網絡流傳一則WhatsApp傳言,指有工人姐姐被邀請加入「黑衣」行列,一晚薪金高達$3000,因黑衣人已被抓了幾百人,又指「人手唔夠、開始向工人姐姐埋手」,並呼籲將訊息轉發「所有請咗工人的朋友」。訊息全文如下:

朋友的工人說,黑衣人人手短缺,要找工人姐姐幫手:

她的工人星期日放假,回來告訴我,她的朋友被邀請加入黑衣,一晚$3000,她很羨慕,蠢蠢欲試。

我嚴重警告她,被拉我不保她!她似乎頗不甘放棄,要再三叮囑她。

她說:『掟磚由頭包到落腳,冇人睇到佢係咩人!!!』

一定要好好教導工人!佢哋好易畀人慫恿,三千蚊一晚對佢哋嚟講,係一個大數目,我諗半價都好多人想去參加呢啲危險嘢!!

黑衣人已經被抓了幾百人,佢哋人手唔夠,宜家開始向工人姐姐埋手。

香港僱傭代理協會主席張結民坦言,近兩星期已收到不少同類訊息,且中英文都有,並已廣泛流傳,形容「日日都收,每日幾個」,內容大致相同,但銀碼有所不同,

有時$3000、有時$5000;有啲講係黑衣人,有啲無講,但就話係去示威活動。(消息)實係假啦,如果去一晚就有$3000,我都去啦!

張結民提醒,外傭從事兼職工作已屬違法,並違反合約要求,「收錢已經不可以」。他續稱,外傭工作地點為僱主家中,即使放假日亦需依照僱主協商好回家的時間,

一般夜晚8至9點都要返到去(僱主家),但好多衝突都係深夜,邊會留到咁夜。

至於外僱是否可以於假日參與政治活動,張結民稱屬灰色地帶,

如果佢話只係行過、或睇去睇下發生咩事,又係咪參與?

他稱,已將有關訊息通報菲律賓及印尼領事館,亦會在日內向會員發訊息釐清事件及重申僱主僱員注意事項。

張結民又稱,除了8月3日一名菲藉迪士尼演藝人員在旺角被拘捕外,暫時未收到其他外傭在港工作時中被打傷、被捕或中催淚彈等的消息,兩國的領事館亦要求如有國民因事受傷必需報告。