【容祖兒演唱會】Twins祖兒為Kenny預演紅館騷　關智斌感動宣布加場

容祖兒演唱會踏入第9場 ，昨晚（8月13日）演唱會喜事重重，祖兒請來好姐妹Twins、及好兄弟關智斌任特別嘉賓，關智斌更在台上正式宣佈，9月14日的個人紅館演唱會首日開賣全部爆滿，決定加開9月13號一場，今天下午開售。

祖兒昨晚請特別嘉賓Twins出場，介紹為重量級女子組合：「我們一齊長大，經歷的不是你們能夠想像咁多，我曾經在她們演唱會上飲大了，真是要好信得過，好有歸屬感，先夠膽台上面飲大左！

孖妹出現獻唱《大紫大紅》，全場為之哄動，阿Sa稱：「雖然容祖兒沒甚緋聞，但不要以為她冇人追，真係好多人追佢架，今日已經有幾個在場。」

▲ 祖兒跟Twins有過不少友情歲月。(圖片：EEG）

祖兒嚇一嚇，阿嬌反問「你係咪想講日本個個？」阿Sa問： 「係咪真係講得？」祖兒馬上搶白 :「掩住你們個嘴，觀眾冇人想聽我緋聞。」

阿Sa不肯罷休：「我想話好多人鐘意你，但你未同人開始就終止人地關係....」祖兒說： 「我要專注事業，如果拍拖點做咁精彩演唱會！影響曬囉！」

▲ 4人合唱《死性不改》。(圖片：EEG）

Twins則指：「其實鐘意你的人裡面，其中一個好靚仔，今晚要同你唱歌，佢好多腹肌.....」觀眾已經估到係關智斌！接著關智斌升出來四人齊唱《 死性不改》！

歌曲終結，Kenny興奮站在台中， 高舉勝利手勢大叫 : 「大家好！關智斌Kenny is BORN演唱會依家正式宣佈加場！」

繼而Twins及祖兒齊齊宣佈，Kenny 九月的演唱會，已經預了晚晚都會到場一齊玩，「我地都係到，有你一定有我地三個！」