【玩命減肥】張繼聰為演拳手先暴肥再激瘦 3個月減40磅訓練過程公開

娛樂 13:28 2019/08/14

分享:

張繼聰達到自己理想磅數。

39歲張繼聰( Louis)去年接演新戲《金童》,可說谷到盡,阿聰為了飾演西洋拳拳手,花了近兩年時間準備角色,分別要經歷增肥和減磅的訓練。近來張繼聰不時在個人社交媒體分享健身成果,最近更已經激減了40磅,阿聰並分享金句:「人要惡過啲脂肪」,一展幽默本色。

Louis昨日(8月13日)在Instagram分享「手肌爆棚」的背影,並配文:「唔經唔覺,減左差唔多40磅....呢個旅程,令我更加明白一樣野,只要唔放棄,一步一步嚟,一定得。」。

最後更標籤富張繼聰式幽默的金句:「#人要惡過啲脂肪」。

張繼聰透露用兩年時間籌備角色。(取自張繼聰IG)

網友見到Louis的健身成果紛紛表示佩服,甚至有網民留言:「我要俾我老公睇下先得」。早前Louis氹老婆的招數已拉高好男人標準,看來今次的健身分享會再次為港男掀起一場革命。

張繼聰觀看鄭秀文演唱會時清瘦了不少。(取自張繼聰IG)

早前Louis已曾向媒體,因為要準備角色,在年初透露現在的自己比起發育時期多肉,所以很多衣服都要重買,自己亦有M碼變成XXL碼。為了令身形接近西洋拳拳手,Louis要先增磅再操肌,高峰期體重有193磅!

張繼聰較早前增磅。(取自張繼聰IG)

除了操Fit,Louis也要路教練學拳,他坦言接近40歲才學打拳的確易攰,甚至連跳繩也要重新學習,加上膝頭哥曾經受傷,當腳被繩索打出血痕時也曾想放棄,不過反覆無數次的練習,加上拳擊師父的耐心教導才得以撐下去。

為演好拳手進行玩命式訓練,張繼聰在社交平台常分享鍛鍊日常,早前他便稱:「因要飾演一名西洋拳拳手,學跳繩係必需嘅..」

Louis展示背肌訓練成績。(取自IG)

他又寫:「中間依年幾,經歷膝頭哥受傷,無數次比條繩打到成腳血痕...無數次想放棄.依段日子,每日朝早五六點起身開工,收工就即刻趕去訓練,再加帶氧運動,每日仲要保持嚴格嘅飲食,雖然都幾辛苦,不過仍然保持積極...」

減磅時,阿聰每日到健身房行跑步機,並開始戒油、糖,他分享:「行動開始咗23日,已經唔記得糖同油係咩味...減磅速度唔可以太快,以免肌肉量流失太多...即係減肥得嚟唔可以瘦得太快。」

他寫道:「依個旅程非常刻苦,要頂得住負重訓練,面對嚴格嘅餐單,攞命嘅帶氧運動,全身每一寸都酸痛嘅肌肉」

而在減磅第74日,他分享:「咁多日嘅帶氧運動總共消耗左二萬幾卡路里,唔算係啲咩好叻嘅事,不過都算係一種堅持。」

張繼聰自拍勁fit身型。(取自IG)

經歷無盡的辛酸,Louis也會堅持下去,他在Instagram寫道:「一切嘅努力,就係為咗一部電影,一個角色」。

現時Louis成功減了40磅,約153磅他又指不是要參加健美比賽,目標只是要站上擂台,不少粉絲也祝張繼聰可憑電影提名影帝。

撰文 : TOPick柴犬出動