【珍惜眼前人】梁舜燕孫仔長文悼念 阮浩棕感慨嫲嫲有一個遺憾

娛樂 13:39 2019/08/15

分享:

梁舜燕乖孫阮浩棕一直視Lily姐為榜樣。

資深藝員梁舜燕(Lily姐)因病離世,享年90歲。孫仔阮浩棕昨日(8月14日)在個人社交媒體發文,道出對嫲嫲的不捨之情。阮浩棕在文中提及梁舜燕的教誨,並稱遺憾與嫲嫲、爸爸三代同堂合作的機會永遠不能實現。

梁舜燕孫仔阮浩棕在離開TVB後才公開二人關係。(取自阮浩棕Facebook)

Lily姐出道62年,是香港電視史上首位女藝人。從麗的映聲報導員至簽約成為TVB藝員,多才多藝的梁舜燕曾任配音、新聞主播、主持人、演員,及藝員訓練班導師。

有個明星嫲嫲,令阮浩棕從小便知道演員這份職業:「小時候睇電視,我知道妳係一個演員。見到陌生人同妳合照,我知道妳係一個明星。倍伴妳去做義工服務,我知道妳係一個萬人迷。踏入社會投身演藝工作,我知道妳係受人愛戴嘅前輩。但對我嚟講,妳最重要嘅身份,係我嘅嫲嫲。」

阮浩棕分享Lily姐年輕照片。(取自阮浩棕Facebook)

Lily姐入院期間,阮浩棕陪伴在左右,常常坐在床邊,握著Lily姐的手聊天,阮浩棕溫柔地問嫲嫲:「妳記得我細個果陣妳經常放喺嘴邊嘅,係邊句說話嗎?」

Lily姐以慈祥的笑容,緩慢地回答:「害人之心不可有,防人之心不可無。」

阮浩棕認為這小小的一句話蘊藏大大的道理,對Lily姐的教誨會銘記於心:「我應承妳嘅事亦會做好,因為我係妳嘅孫,亦因為我繼承咗妳嘅衣缽,所以我會努力捍衛妳嘅名譽。我會一直努力,令係天國嘅妳可以同爺爺一齊為我感到驕傲。多謝妳係我嘅嫲嫲。妳永遠係我嘅榜樣,係我最好嘅學習對象。多謝妳,我愛妳。」

阮浩棕與嫲嫲關係甚好。(取自阮浩棕Facebook)

阮浩棕認為和Lily姐之間的回憶太多,不能一一盡錄,再次多謝向各位朋友以及傳媒朋友道謝,因為有大家的愛戴,才可以成就嫲嫲的「不朽傳奇」。最後阮浩棕送上一句:「讓我們永遠懷念香港第一電視女士 — 梁舜燕。」

由入行開始,阮浩棕一直希望能夠和嫲嫲爸爸三代人一齊合作,製造屬於「阮家的代表作」,遺憾再無這個機會。

字裏行間充滿對Lily姐的不捨,正如廣大的香港觀眾一樣,我們失去了一位尊敬的前輩。

阮浩棕十足十他爸爸的翻版。(取自阮浩棕Facebook)

阮浩棕因報讀電視藝員訓練班入行,曾擔任《Think Big 天地》、《Think Big 大明星》的節目主持,在TVB期間一直沒有透露自己是Lily姐孫仔,直到離開TVB後,擔任Lily姐「入行六十年」的晚宴司儀時,才公開二人關係。

現時阮浩棕在北上發展,他曾在Facebook寫道:「如果嫲嫲係開始,我有責任傳承同延續。我會時刻保持係嫲嫲身上學到嘅謙卑、專業,繼續勇敢走落去,延續呢個家庭係呢個行業嘅故事。」

撰文 : TOPick柴犬出動