【不收BB車】港爸媽搭巴士拒摺BB車　車長斥危險︰轉彎BB車有機會翻車

巴士上時有爭執，也不時因摺起BB車事宜引發口角。有任職巴士車長的網民於網上分享，他遇到一些港爸媽搭巴士不摺起BB車，他們為了一己方便而無視行車安全，經他勸阻才不情不願摺起BB車，他認為做法危險。

該名巴士車長向Facebook專頁「生仔要考牌系列」投稿指，他最近遇到兩宗上巴士沒摺起BB車的事件，第一個是一位港媽與奶奶排在車站頭位準備上車，卻沒有要抱起BB、摺起BB車的意欲。

港媽與奶奶合力將BB連人帶BB車抬上巴士的輪椅位置，就逕自到後面座位坐。於是車長跟港媽說︰

麻煩你抱起個BB，然後摺埋架車呀，咁樣好危險㗎！

港媽聽後，一邊一臉不悅怒視車長，一邊抱起BB，奶奶則幫忙摺起BB車。

另一情況發生在一對港爸媽身上，他們同樣將BB車抬上巴士的輪椅位置，BB車上有一名年齡稍大的孩子。港爸到後面座位坐，港媽則站在輪椅位置前面。車長請他們抱起孩子、摺起BB車，對方卻沒有理會。他再表示︰

你哋就咁放佢喺度好危險，好唔安全㗎！

之後港爸對他怒目相向抱起孩子，港媽就負責摺車。

他補充車長會按情況酌情處理，例如︰

如果一個阿媽，左手拖住個幼稚園，推住有BB嘅BB車，咁咪唔方便摺車？其實又唔使咁死嘅，培訓嗰時啲師傅話可以坐前排啲櫈，BB車可以唔摺放喺阿媽隔離，其實最重要係個細嘅要喺阿媽隔離陪住。

他又指自己負責駕駛「全港最短最平最少站」的巴士路線，整段路線只有短短兩公里多，不過回程須轉四個彎及一個「S」彎，由於該路線有不少老人，他不敢駕駛得太快，但無論駕駛速度有多慢，如果車上有BB車亦有機會翻車。
 

他無奈表示︰

如果我唔理佢哋，有咩損傷都係我哋司機嘅責任，然後就會「不小心駕駛」扣五分。