張敬軒當奴同遊新加坡 軒仔克服畏高喪玩400米飛索【有片】

娛樂 17:05 2019/09/13

分享:

軒仔到新加坡玩空中飛索。(圖片:EEG)

張敬軒跟商台當奴主理的旅遊節目《天才遊童2019星加坡篇》日前推出第2集,軒仔繼上次玩iFly室內跳傘,今次軒仔和當奴繼續高空飛索。他們去到星加坡主題樂園,軒仔亦無畏高空,大膽試在半空吊滋味。

張敬軒和當奴去到星加坡MegaZip冒險樂園,並挑戰長四百多米,高十多米,時速60多公里的空中飛索。

(圖片:EEG)

一開始當奴表示很多網民都想看軒仔被「吊」上半空,更叫大家投票想看軒仔還是看自己「被吊」,最後當奴當然都要陪玩。

上到十多米高台,軒仔跟當奴不約而同表示真心驚,及後軒仔更報定案原來他有畏高,「但我覺得人生乜嘢都要試吓。」的確勇氣可加。

在等待的過程中,畏高的軒仔表現從容,當奴則一直沉默,每當聽到前面玩家大聲驚呼時,他立即面如死灰,二人表情形成強烈對比。終於到二人出發,一離開高台他們便已擘大喉嚨盡情呼叫,不用一分鐘已可完成「旅程」。

軒仔踢爆當奴驚到心跳加速。(圖片:EEG )

着陸後,當奴說看到軒仔一被吊起時有點驚,點知立即被軒仔反踢爆他驚到心跳加速。而軒仔則表示落地後唯一要做的便是「檢查」髪型,認真貪靚。

問到「被吊」感受,軒仔就話:「我嘅畏高唔係極度嚴重嗰隻,開頭係驚嘅,因為對腳冇嘢踩住,係凌空咗,感覺好唔實在,加上有少少離心力。但飛到去到中段時,反而成個感覺變得好舒服,好似雀仔咁好自由自在咁飛,好爽。本身話一邊玩一邊唱歌,但完全唔記得晒,哈哈。」

撰文 : TOPick柴犬出動