【校長心聲】給學生「留白」空間　佛教慈敬學校校長：建立親子關係更重要

暑假話咁快就過去，家長回頭數一數，安排給子女的活動有幾多項，包括中、英、數、普通話作為核心，然後又有各種課外活動，時間表塞不滿，都彷彿感到「囉囉攣」，其實有無想過「留白」，讓小朋友有自己空間之餘，也給家長自己透透氣。

不知大家有否試過，讀書時做數學題，想不到答案，死做爛做結果都不做，但試下遠離那數學題，去食下嘢、偷下懶，回頭再做又忽然間「頓悟」，識得做。我不知科學原理是什麼，但自此我都幾相信呢啲工作期間的「留白」是相當重要，當然也是一個好好的藉口給自己偷懶。

說回小朋友的生活，密密麻麻的學習、活動，家長都以為是為他們好，而且愈密集就愈有成效，而愈有成效就愈密集。家長及小朋友都唔知道，又或者無意識到會爆煲。

適當的留白，小朋友有空間有自己的想法，可做一些家長眼中無聊的事，例如發呆。我相信，小朋友5分鐘發呆，所獲得的創意，遠遠勝過5小時的操練。

九龍灣有間小學，校長用左幾年籌備為學生「留白」，包括：小一調整課程、減少考試、打坐、做瑜珈等等，就是希望學生有更健康的校園生活，留白更精彩。

這位是佛教慈敬學校莊聖謙校長，佢話：「尤其重要給小一孩子留白，先讓學生和家長建立親子關係。」親子關係對小一學生而言，真是遠比冷冰冰的成績表重要，這樣留白，再怪獸的家長應不會反對吧。

香港電台第一台《我們不是怪獸》「梁永樂-怪獸爸爸and friends」，周日晚10點新聞後播出。