【校長心聲】帶學生走出學校派飯 嶺南同學會小學校長:認識社會實況才學懂珍惜

親子 15:00 2019/09/20

分享:

嶺南同學會小學校長鄭安娜。(相片來源:嶺南同學會小學網站)

做家長一定會試過,小朋友拎住玩具話:「爸爸,爛左,點算?」我就會對阿仔講:「爸爸無爛,玩具爛左,爛左就爛左⋯⋯」我仔通常都會翻眼,之後「無我咁好氣」就行開。除了我孤寒不想花錢買玩具之外,我更加不想令小朋友覺得一切都得來太易。

我們這一代的家長,大多比上一代物質豐富,下一代就更不用講。不過令人擔心也正正如此,上一代、我們這一代有物品壞了、爛了,就問「去哪裡有得整」,下一代呢?就會問「去哪裡買新的」。壞了就會有新的,或者未壞都特意整爛佢,那就又一定有新的,小朋友又怎會懂得珍惜。

對物件都尚且如此,對人都一樣,人與人之間通訊容易,但普遍都比較薄情。現在幾乎每人都有手提電話,不像以前搵電話打回家「食不食飯?幾點返」,現在打電話給父母的次數可能比以前更少,甚至用智能電話留個言就叫做溝通。

深水埗有間直資小學就帶走出班房去學習,貼地認識社會貧窮,聯同區內有名的慈善餐廳老闆「明哥」一齊去派飯給露宿者,體會無家者的困境。讓一班生活無缺的小朋友,親身認識貧富懸殊。校長話:「學生明白社會實況,才會學懂珍惜所有。」

而我認為更重要是,學生透過親身接觸無家者,學會什麼是同理心,及關懷弱勢的愛心。呢間學校是嶺南同學會小學,校長是鄭安娜。

香港電台第一台《我們不是怪獸》「梁永樂-怪獸爸爸and friends」,周日晚10點新聞後播出。

撰文 : 梁永樂 八爪魚爸爸