【校長心聲】調整時間表令學生有時間「玩」 保良局田家炳小學校長:玩對孩子很重要

親子 15:00 2019/09/21

分享:

保良局田家炳小學校長陳詠賢。(本報資料圖片)

話都無咁快,暑假就過去左,對於不少學生來說,心裡面應該係「玩完喇⋯⋯無得玩」一開學又要重新進入戰鬥狀態,尤其是一類名校,學生成績平均分差一兩分,排名差幾十位,莫講話無得玩,溫書少一陣都令學生及家長深感不安。

做左多年的所謂「升學專家」,成日都有家長問,有無學校啲學生又玩得又讀得書,我答一定有,但人數好少,又玩得又叻。

若要家長於「玩」及「讀書」之間二選一,我相信絕大部家長都會有揀讀書,甚至是「勤力啲讀書」。有無人諗過,其實玩對小朋友更重要,我再問各位家長二選一,玩得的學生、讀書叻的學生,哪一個身心會比較健康?健康當然重要吧,還記得小朋友出世時,父母都用過好偉大的口吻咁講過「BB,最緊要要健康成長,其他都不重要。」我自己講番一次都覺得臉紅。

家長們再來二選一,想一想自己身體的人,玩得叻的人與讀書叻的人,哪一個你比較欣賞?哪一類人做事比較叻?再簡單啲問,你鍾意邊個多啲?相信大家心目中都有答案。

玩對小朋友成長真的很重要,大埔區保良局田家炳小學兩年前調整學校的時間表,讓學生在校完成大部分功課,放學後可以去閱讀自己喜愛的書,又或者去玩,短短兩年,每日閱讀逾一小時的學生比例,由兩成大幅提高至七成;大部分家長認同有助鞏固學生學習,學生終在放學後找回屬於自己的時光,就算睇電視都好,都是小朋友自己的放鬆時間。

校長陳詠賢仲話,「玩」才是小朋友生活的重要部份,從玩樂中學效果遠遠比死讀書好。

香港電台第一台《我們不是怪獸》「梁永樂-怪獸爸爸and friends」,周日晚10點新聞後播出。

撰文 : 梁永樂 八爪魚爸爸