【好爸爸】一家四口遊迪士尼晒幸福 鄭中基:細佬終於夠高玩機動遊戲

親子 17:18 2019/09/20

分享:

鄭中基分享一家四口遊迪士尼樂園的合照,開心表示兒子終於夠高玩機動遊戲。

鄭中基(Ronald)與余思敏(Sammie)育有現年8歲大女鄭梓喬(Emma)及4歲半細仔鄭梓仁(Evan),Ronald婚後一副好丈夫、好爸爸的形像,一家四口很幸福。本周三(18日)Ronald分享一家四口遊迪士尼樂園的合照,開心表示兒子終於夠高玩機動遊戲。

趁最近人少少,Ronald、Sammie就帶一對仔女去迪士尼樂園玩,一家人在樂園入口拍照,背景竟然一個人都無, Ronald表示︰

舊年去迪士尼樂園細佬仲未夠高玩啲機動遊戲,今年終於得償所願啦。

去年3月,鄭中基都有同家人去迪士尼樂園。(相片來源︰鄭中基Facebook)

他hashtag指細仔提出一個問題考起他,就是「SmallWorld點解唔Small」,他向網民求教爸爸「應該點答」。

翻看Ronald的Facebook,去年3月,Ronald亦貼出一家四口去迪士尼樂園的照片。對比去年的照片,兩姊弟都長高了,當時細佬未夠高玩機動遊戲,今年已經有得玩,做爸爸的當然開心。

鄭中基好錫余思敏及一對仔女,情人節送花給太太及囡囡。(相片來源︰余思敏Facebook)

Ronald間中會分享家庭樂,今年4月夫婦就帶同仔女看當紅的Baby Shark音樂劇。Ronald寫道,「個Show 70分鐘,本住聽足70分鐘Babysharkdodododo嘅心情,最後原來只係唱咗2次,我好感恩」,他指音樂劇好好睇,最緊要小朋友開心。

一家人去睇Baby Shark音樂劇。(相片來源︰鄭中基Facebook)

Sammie婚後專心相夫教子,做Ronald的賢內助,閒時出席活動,有時更帶上子女一起出席。她曾透露Ronald工作雖忙,但工作以外的時間基本上都是奉獻給家人,陪著孩子。今年8月,Ronald於新加坡舉行世界巡迴演唱會,Sammie就她帶同仔女一齊去新加坡支持爸爸。

余思敏帶仔女去新加坡,支持鄭中基開演唱會。(相片來源︰余思敏Facebook)

責任編輯︰駱秀玲