【大劈價】帝景酒店推$12自助晚餐優惠 二人同行埋單$500有找

休閒消費 17:12 2019/09/25

分享:

帝景酒店推$12自助晚餐優惠。

大家食過最平的自助餐幾錢?近日有多間酒店都推出自助餐優惠,而一間4星級酒店為慶祝開業12周年,特意推出$12自助晚餐優惠!只要二人同行,第一位以原價光顧,第二位就可以$12(連加一服務費51.8元)享用自助晚餐!

荃灣帝景酒店(Royal View Hotel)為了慶祝踏入12周年,每兩位客人惠顧自助晚餐,第2位客人即可以$12元享用自助晚餐,每位客人更可額外獲贈「花膠扣原隻鮑魚」1客,要留意於星期六、日及公眾假期,第二位客人須額外加HK$50。

「鮑魚‧花膠‧海鮮自助晚餐」有多款冰鎮海鮮及精美甜品,星期一至五成人原價$398,小童及長者$318,加一收費以原價計算。如果兩人同行,最後埋單只需要$489.6,差不多享有55折。星期六、日及公眾假期成人原價$448,小童及長者$368,兩位成人埋單$587.6,亦即6折優惠,換言之平日去食會比較划算。

小童價按身高收費,小童價只限於100厘米至140厘米之間的小朋友。以上活動優惠期由10月1日至10月31日,只適用於每日首30位客人,並且要在3日前訂座,每次每檯只適用於最多12位一同享用。

訂位請【按此

責任編輯:陳珈希