【對話會】首場「社區對話」完結　林鄭月娥撰文多謝每一位參與者

特首林鄭月娥首場「社區對話」昨日（26日）在灣仔伊利沙伯體育館舉行，各界對於對話會的評價不一，有市民致電電台節目表示不滿，立法會議員蔣麗芸亦認為林鄭月娥未有完全回應市民的聲迫，行政會議成員湯家驊則在電台節目表示，對於對話會感到相當滿意。

林鄭月娥於其Facebook 回應各方評價，以「感謝參與的每一位 - 和理傾」為題撰文，多謝每一位參與對話會的市民，並指對話會將持續進行，期望下次和其他市民對話。

以下為林鄭月娥撰文全文：

好感謝噚晚嚟參與第一場「社區對話」嘅市民。大家都為呢次對話做咗唔少準備，收集屋企人、朋友同連登仔嘅問題。每一位發言嘅參加者都表達咗對香港現況同前途嘅關心同憂慮。有位和理非爸爸問到：我哋仲可唔可以將一個美好嘅香港交俾仔女？我相信呢個係我哋所有人都想做到嘅事，亦係我哋希望透過對話尋找出路嘅最終目標。

我亦留意到出席嘅市民有不同意見同政治立場，但大家都能做到互相尊重、細心聆聽。正如唔少發言嘅市民所講，香港本來就唔分顏色。多元、自由從來係我哋珍惜嘅價值。

噚晚會場外有市民希望我出去對話，我知道大家就對話嘅形式有不同意見，我承諾對話一定會繼續進行，亦會有不同形式，包括網上互動。期望下次可以同你傾！

責任編輯：林卓昕