【嫁到這世界邊端3】橫跨歐亞非三大洲訪問人妻 陳貝兒感激團隊:難關難過關關過

娛樂 14:25 2019/10/21

分享:

陳貝兒表示《嫁到這世界邊端3》是此系列的最後一輯。(受訪者提供)

TVB節目《嫁到這世界邊端3》今晚(10月21日)首播,主持陳貝兒(Janis)遠赴8國探訪8位人妻,發掘多段浪漫感人的異國戀故事。陳貝兒分享照片並感慨表示這輯為《嫁到這世界邊端》的最後一輯,陳貝兒又指團隊已合作3年,大家「難關難過關關過」。

為了拍攝《嫁到這世界邊端3》,Janis今年飛往8個國家,於3個多月內到訪尼日利亞、摩洛哥、埃及、意大利、法國、比利時、新彊及日本,探訪8位人妻及人夫。

她回應TOPick指:「我們整個團隊都希望故事比之前可更精彩,選擇地方方面也花了很多心思。今次我們飛往非洲、歐洲、亞洲,橫跨了三大洲,一共採訪了8個故事。」

(受訪者提供)

Janis於社交平台分享多張照片,並提醒大家:「《嫁到這世界邊端3》今晚 10:30pm 播啦!」

她分享拍攝感受:「對我黎講,呢個從來都唔單只係一個節目咁簡單,整個拍攝過程係一個人生嘅學習課程。回想起兩年前第一輯開始踏上征途,不論係關於愛、或者係關於人生同生活,我都學習左唔少。」

(受訪者提供)

第三輯的《嫁到這世界邊端》為節目系列的最後一輯,她在facebook感慨稱:「黎到最後一個season啦,今次我又識多左8位新朋友。好期待由今晚開始喺黎梗嘅三個禮拜逐一介紹俾大家認識。」

(受訪者提供)

她大讚:「佢哋每一位都係非常勇敢嘅香港女仔(同男仔!),為左愛分別遠嫁到尼日利亞、埃及、摩洛哥、新疆、日本、法國、意大利同比利時。」

她續指:「佢哋都曾經經歷徬徨同無助,曾經喺人生交叉路前徘徊,但係佢地都成功地用愛同堅持一一衝破。我呢班好姐妹,真係好堅!如果要問佢地點解要嫁到咁遠?咁我哋又不如問下自己,life is a wonderful journey,點解要在原地踏步⋯⋯?嗯。」

(受訪者提供)

最後,她說:「我地成個團隊合作咗三年咩都經歷過,難關難過關關過!Thanks team!! You guys are the best!!!!!!」

更多有關《嫁到這世界邊端3》報道請睇 http://bit.ly/32IZXOb

記者:梁樂欣