【相識20年】古天樂生日好友鄭秀文陪慶祝 Sammi為古仔不怕肥食羊腩煲

娛樂 13:27 2019/10/25

分享:

鄭秀文慶祝好友古天樂49歲生日。

古天樂本周剛度過49歲生日,多位圈中朋友陸續為古仔慶生,其中相識20年的好朋友鄭秀文,就夥同導演杜琪峯請古仔食飯賀生日。Sammi今早(10月25日)在IG上載為古天樂慶生照,並打趣笑指古天樂跟杜琪峯愈來愈似樣!

鄭秀文和古仔昨晚慶祝生日,並上載一張飯局照,相中見Sammi跟一位女性朋友在古仔額上貼朱古力牌,場面溫馨。

Sammi跟杜sir得力同力為古仔慶生。(取自IG)

Sammi並特別留言:「介紹番,中間的女仔名叫Elaine, 杜sir的左右手,人良善超好。」

原來Sammi早前跟古仔一同食羊腩煲慶祝生日,Sammi寫道:「六個人聚在一起,簡簡單單吃一頓飯,補祝古仔的XX歲生日。(年齡也是男人的秘密吧!雖然誰都知道他幾歲,哈哈!)同時又#這夜的羊腩煲很好味啊吃了很多肥死我 #古天樂跟杜琪峯繼續似樣囉!

Sammi笑指古仔杜sir好似樣囉。(取自IG)

古天樂鄭秀文和杜琪峯此組合合作無間,今年8月Sammi生日時,杜sir及得力助手Elaine和古仔已Sammi食飯慶祝,相隔數月,同一個好友班底再聚,足見友情深厚。

Sammi古仔20年友情

古仔和Sammi在1999年因拍劇《寵物情緣》而結識,當年更因此劇而傳出緋聞。之後在2002年再合作電影《百年好合》,其時跟許志安剛分手的Sammi,又被指在拍戲期間跟古仔過往甚密。

不過二人隨時間証實了只屬好朋友關係,古仔和Sammi陸續再合作《戀上你的床》、《 高海拔之戀2》成經典銀幕情侶。

古天樂今年為Sammi任演唱會嘉賓。(陳心怡攝)

Sammi開演唱會時,古仔亦常任嘉賓大開金口,今年7月古仔便在鄭秀文演唱會尾場獻唱《男朋友》,成一時熱話。

撰文 : TOPick柴犬出動