【東張女神】林泳淘茹素變廚神鑽研素食飯盒　自製零失敗高纖補血酸辣拌麵

被稱為《東張西望》女神的前TVB藝人林泳淘（Wingto），不但主持、拍劇了得，原來也煮得一手好餸！這位女神化身廚神，教大家自製一道既簡單又有豐富營養的全素「四川酸辣拌麵」。

林泳淘於6年前開始茹素，會自己煮素食飯盒，曾經在Instagram上分享親手煮的素魚腐咖哩、墨西哥飯卷及蔬菜燴飯等菜式，賣相絕不失禮！她透露受媽媽影響，自小已經喜歡烹飪，人生第一次入廚是幼稚園時學煎雞蛋，而數到認真入廚則是中學。

她試過有一陣子喜歡吃麵，就自製烏冬及刀削麵，又試過有一排十分沉迷吃飯，每天9點起床煲飯，研究不同餡料的飯團！

天氣轉變難免影響胃口，林泳淘教大家自製一款零失敗涼拌四川酸辣拌麵，不但開胃之餘更非常健康。

▲ 簡單的拌麵既飽肚又健康。

四川酸辣拌麵做法：

1. 首先將沙葛、甘筍、青瓜刨皮切絲

▲ 泳淘提醒沙葛的皮較硬，要用大一點的刨。

泳淘提醒大家要買嫩一點的沙葛，太老會有渣及根，口感不及新鮮沙葛。

▲ 保留部分外皮能增加口感。

青瓜皮不需要完全刨皮，留一點外皮口感會更好。

2. 提前一小時浸泡黑木耳，然後切絲

3. 先將沙葛及黑木耳烚熟，再將甘筍放進去，總共煮約2分鐘後過冷河

▲ 過冷河能令配料更爽口。

4. 青瓜加麻油攪拌，增加香氣，放進雪櫃備用

5. 煮麵後過冷河，泳淘今次使用的是淮山麵

6. 將已烚熟的材料加進麵底

▲ 將配料加入麵底後拌勻。

7. 加入豉油、糖、醋、花椒油及辣油拌勻

▲ 鼓油與醋的比例為1:2。

8. 最後在冷麵上加上青瓜及小蕃茄

▲ 拌麵配上不同顏色的蔬果，十分吸引。

林泳淘所挑選的食材都充滿營養，例如沙葛有潤肺、清熱的作用。黑木耳含豐富鐵質，有補血、抗凝血作用，最適合產後女士排清體內瘀血。根據紅十字會推介，食物中以黑木耳含最豐富鐵質，以每100克計，含46毫克，是牛肉的16倍多。

根據衛生署的的資料，每100克的甘筍，就有3克的膳食纖維，有助保持腸道健康，另外亦有清熱利尿，促進消化之效。而青瓜則是補充水份好幫手，低卡高纖，有助控制食慾。

想睇林泳淘保持23吋腰的秘訣，請即睇 http://bit.ly/2MOdtL6　

想睇林泳淘《東張西望》最難忘的採訪，請即睇 http://bit.ly/35LYoRu

場地：RENT-A-KITCHEN出租廚房

記者：徐穎彤