【阿叻VS阿澤】陳百祥與杜汶澤清談節目論警權　阿叻：差人維持法紀追究咩？

反修例風波持續多月，香港社會上不同人士各有意見。連月來多次討論香港局勢的藝人杜汶澤及陳百祥今午出席香港電台「視點31」的直播節目《談局勢論民情》，討論現時香港局勢，消息一出對談成焦點。節目甫開始，二人已即時展開激烈討論，首先就警權不斷提出觀點。

杜汶澤於節目開始前約15分鐘到場，身穿一身黑色西裝到場，而陳百祥亦差不多時間到場，身穿白色衫及外套。阿叻甫開始已指香港局勢陷入亂局因年輕人沒有讀好歷史，隨即二人開始討論警權問題。阿叻先稱「我睇唔到差人暴力。」又指示威者使用汽油彈，而暴力亦由示威者先開始使用，故警方只可以以相等暴力「以暴制暴」，又指警員只是上班，不會無端端打人。

阿叻：差人係返工，無端端打你做乜。治亂世用重典。

阿澤：俾你拉係合理，綁住咗係地下俾你再打係咩原因？

阿叻：佢要停止你掙扎。

隨後杜汶澤提出，民調指有70%人不相信警隊，但陳百祥強調並不相信民調結果，即使如戴耀廷等高學歷人士都不能相信，認為警方可維持治安。

阿叻：差人出黎維持法紀，追究啲咩？

阿澤：癲架依條友，佢真係唔識

阿澤：一個民意調查出咗黎，又話唔知。

阿叻：我唔係唔知，係唔信。

二人隨後亦談到警方兩次開真槍的情況，阿叻認為警方生命垂危，有必要開槍，但阿澤則認為示威者只是手持膠水管，沒有攻擊性。

阿叻：兩次開真槍個案都係必須，警方生命垂危。一次警員落單，成身著晒火，班人搶槍，雖然誓搶唔到，但佢開槍係有需要。另一次成班圍住一個警察，圍住插佢，佢最近得把槍。

隨後二人再談到7.21元朗事件：

阿澤：咁721又唔開槍？

阿叻：（警察）得6、7人，對住1-200人。

阿叻：都無攻擊性武器，得藤條。

阿澤：拎住「鐵通」呀！

阿叻：宜家又「膠通」變「鐵通」？

阿澤：根本就係白衣人打人。

阿叻：我睇到互毆，係毆鬥。

二人亦有談到警方出示委任證的問題，強調記者及市民不應在警方執行職務時要求出示委任證。

阿叻：依家封住晒個面都可以查到。委任證係天下太平時先用。

阿澤：咁天下太平食飯都用。你依家警察蒙住面，認唔到佢嘛，大家講呢個問題嘛！

節目尾段，陳百祥認為香港是自己屋企，所以不希望香港亂，強調「暴力就係唔啱」，絕不認同「私了」行為。

節目中阿叻、阿澤亦談及年輕人問題，陳百祥直言不明白年輕人爭取甚麼，阿澤亦回應美心集團創辦人長女伍淑清言論。更多內容即睇阿澤：年輕人不是你擁有如何說放棄？

責任編輯：林卓昕