【東張有喜】李旻芳黃耀英紋上婚戒定終身 愛妻號承諾:每年都會送驚喜【有片】

娛樂 10:23 2019/11/06

分享:

「東張女神」李旻芳(Lucy)與黃耀英(Darren)昨日(11月5日)結束愛情長跑、步入禮堂。宣讀愛的宣言時男方大讚太太有天使臉孔魔鬼身材,同時也是個會打鼻鼾的凡人,而李旻芳深情表白時亦不禁爆喊。二人即場紋上結婚戒指,許下終身承諾。

李旻芳與黃耀英昨日於西貢海濱公園舉行婚禮,邀雙方親友及不少圈中藝人出席,圈中人包括林泳淘、孫慧雪、陳華鑫、陳婉衡、利穎怡等出席。出名好健美的Lucy,穿上深V直達小腹的性感婚紗,大曬驕人身材!

李爸爸把愛女送到準女婿黃耀英手上,隨即讀出愛的宣言。

Darren帶笑謂:「你有天使臉孔、魔鬼身材,但當你瞓覺打鼻鼾嘅時候提醒咗我,你只係個凡人,係需要有人珍惜同埋愛護,所以我應承你,每年我都會送一個你估唔到嘅驚喜俾你。」

好sweet!

Darren答應太太,將會吃掉所有菜梗為她留下菜葉、冬天時讓對方先洗澡享用足夠熱水、會拾起浴缸內的所有頭髮、處理家中所有曱甴或昆蟲:「我會寵愛你忠誠於你。愛係用行動同時間嚟表達,我願意用剩餘嘅一生,證明畀你睇,我係有幾咁愛你!」

婚禮上舉行非洲跳掃把儀式。

宣讀完愛的宣言後Darren急不及待想要掀起Lucy的頭紗,Lucy即笑謂:「唔好咁心急啦,我一定嫁畀你嘅放心。」

Lucy一開口已哽咽,不久後落淚,她感激對方一直照顧、關心她,還會愛屋及烏照顧她家人,事事以她為先,給予她人生最寶貴的時間和耐性:「有你嘅陪伴,令我感受到簡單嘅快樂、心靈上嘅滿足,同你一齊嘅時間真係過得好快,估唔到貶下眼就差唔多7年喇,我哋經歷咗好多嘢,既然我哋都經歷咗咁多喇,不如我哋下半生都一齊經歷更加多。」

新郎哥昨日早上接新娘。

Lucy更揚言會以後順從、體諒丈夫,會為他成為更好的人:「無論發無乜嘢事,只要你唔開心我就會氹返你。無論邊個唔啱都好,我都一定會主動say sorry,我會盡我嘅能力令到你幸福、開心。」

二人完成儀式後,由李日昇的紋身師女友Iris,即場幫二人在無名指上紋上婚戒,Darren為了減輕太太的擔心更笑謂:「好快,蚊咬之嘛!」

李旻芳晒出愛的紋身婚戒。

完成一整日的婚宴後,Lucy接受TOPick訪問,她表示很感恩昨日流程很順利、很享受。

她亦感謝丈夫精心安排了許多小細節:「例如婚禮誓詞、紋戒指、跳掃把、整個3D printing公仔嘅蛋糕、first dance嘅歌曲等。晚宴場地嘅成長相片草牆,係我畀耀英嘅驚喜,每張相後面都寫咗好我嘅情深說話。」

全體大合照,好幸福。

婚禮直到凌晨12時許才結束,忙完一整日的一對新人更自爆,由於時間太晚,只好拖著載有婚紗和西裝的行李箱,到便利店食杯麵慶功,簡單而快樂:「沿路一路行一路傾計,都好開心!」

記者:梁樂欣、陳心怡