【嫁到這世界邊端3】港女遠嫁比利時成5孩之母 陳貝兒:夫妻情未因生育變淡

娛樂 12:07 2019/11/07

分享:

陳貝兒採訪一位嫁到比利時的香港女士。

TVB節目《嫁到這世界邊端3》繼續在比利時尋找人妻的故事,主持陳貝兒(Janis)探訪一位5個小孩的媽媽──Hebe。已誕了5名子女的Hebe嫁給了比利時男子Michael,為了下一代而決定移民。

陳貝兒接受TOPick專訪時,大讚Hebe是女人的典範,當中最令陳貝兒佩服,是Hebe沒聘請工人,只靠自己照顧5個小朋友。

(受訪者提供)

Hebe育有1女4子,陳貝兒大讚Hebe是女人的典範,又笑指:「完全是奶奶的至愛,這家嫂很好生養。」

照顧1個小朋友不容易,而Hebe卻要照顧5個小朋友,Janis說:「香港養一個小朋友需要400萬,如果是5個即是2000萬。」她續指:「不過比利時政府會有支助,而且當地可以給予小朋友一個空間,一個讓他們放電的空間,可以通山走。」

(受訪者提供)

Hebe和比利時籍丈夫Michael於社交平台上「偶遇」並展開網戀,Michael之後更來港居住及工作。二人拍拖大半年後閃婚,如今已結婚10年,甜蜜依然。

Janis指出:「雖然已生了5個小朋友,但夫妻間依然很有愛,是戀愛。」她又謂:「聽過很多過來人說,兩公婆生了小朋友後的關係會變得不一樣,可能會將重心放於小朋友身上。但他們仍有拍拖的感覺,可能因此所以生這麼多個,很有愛的故事。」

(受訪者提供)

本來Hebe和Michael於香港生活得很好,不過當Hebe懷第4胎後便決定要移居比利時。

Janis說:「空間以及支出的問題。她覺得小朋友在比利時會成長得更好,因為她和老公都在香港曾生活過一段日子,但當佗第4胎時發現是孖胎,覺得5個小朋友實在沒法在香港生活了,所以就要去比利時定居和生活。」

陳貝兒續指:「比利時政府很支持生育,會有牛奶金支助,其丈夫也會有侍產假,可以有充足的假期照顧家庭,很尊重及很多福利。」

如今,Michael於大型傢俬店從事管理層工作,而Hebe則為全職主婦。

(受訪者提供)

Janis於社交平台上分享在比利時探訪Hebe一家的照片,她又介紹兩位比利時人妻Hebe和Stephen給對方,眾人合照留念,並寫道:

五個小孩的母親。好熱鬧嘅big big family。Hebe,你真係將上天賜予比女人嘅本能發揮得淋漓盡致!我真心佩服得五體投地!喺Hebe身上我睇到上一代傳統女人嘅嗰種賢良淑德。我哋嫲嫲婆婆果代,一個女人生十個八個真係閑閑哋啦,不過而家好少女人會。

我真心覺得 Hebe 好偉大、好有耐性同埋好好生養!一個女人生五個,冇請工人凑仔執屋煮飯洗衫一腳踢!有冇見到 Hebe 望住佢老公Michael 嘅心心眼,以佢哋嘅恩愛程度,我有理由相信佢哋絕對有可能會一路咁生落去。

BB,真係用愛造出嚟㗎!為咗d小朋友Hebe放棄咗好多嘢,不過佢都有個小興趣,就係整曲奇餅,仲整得好靚!我哋臨走前佢仲全crew人度身訂造每人整左一個俾我哋!

thank you Hebe!係呀,Hebe同Stephen雖然都係住喺比利時,但係佢哋之前唔識㗎。因為呢個節目佢哋認識咗,雖然住嘅地方一東一西,佢哋呢兩位比利時人妻之前特登約埋一齊喺去食越南河粉呀!係喎Stephen得閒不如過去幫手湊仔呀!

記者:梁樂欣