【虎媽心聲】家住半山子女讀名校 富貴虎媽被丈夫埋怨「怪獸」哭訴心力交瘁

親子 13:49 2019/11/11

分享:

一名虎媽表面是幸福人妻,背後卻承受巨大壓力,哭訴自己全權負責子女的學業,還不被丈夫體諒。

她跟好友們傾訴時,眼圈也紅起來:「我覺得自己與單親媽媽沒有甚麼分別。」

她顯然是不快樂,但別人眼中的她倒有點差異。她的丈夫是專業人士,收入穩定,家住半山。一對子女入讀名校,家有傭人料理,她怎會不是幸福少奶奶、人生勝利組?

你哋知唔知我湊仔壓力好大㗎!

她的聲音在顫抖,好友們為之一怔,只有唯一單身的那位繼續大啖吃着蛋糕,明顯沒有太大的共鳴。

她在哭訴帶孩子的苦況:「我天天接送佢哋學呢樣嗰樣,真係心力交瘁,仲要俾老公埋怨我勞役仔女,咁我辛苦又有邊個關心呀!」

好友們輕輕拍她的肩膀。

兩個仔女啲功課從來都係我一個人睇,老公不聞不問,好似唔關佢事咁。好啦,成績退步咗喇,佢就嚟向我問責,乜你唔係盯緊嘅咩?點會考成咁?

好友們靜心聆聽。「佢晚晚返嚟就只係關心有乜嘢食,食完飯就入房睇電腦,想同佢傾吓心事佢就揦口揦面。周末佢就走咗去打高球,又係我自己帶孩子……」

「睇嚟佢都好耐無同你咩呀啦?」單身女友幽幽地問,隨即被其他人搥打。

此刻,她的淚水不聽使喚地泉湧而出,女友們見勢立即努力安撫:「唏,佢悶係悶啲,但起碼外邊肯定無搞搞震呀!」「係囉,經濟方面佢好盡責呀!」「佢無酗酒打你都算好運咯!」

女人對男人的訴求,其實普遍都不算高。

原文刊於《經濟日報》(收費閱讀)專欄「會笑媽媽」,原題為「女人的訴求」。

撰文 : 鄧藹霖