【瘦面工具】陳淑蘭必備的瘦面工具 蘭子:塊面隨即縮細一半

健康 12:45 2019/11/14

分享:

陳淑蘭必備的瘦面工具,可令塊面隨即縮細一半。

工欲善其事必須利其器,工欲瘦其面必買齊儀器。

上期講面大,骨頭狀態是原因之一,其他原因還包括鬆弛、水腫等等。這方面我絕對由細suffer到大。尤其是早上起床,個面可以脹咗兩倍!所以我絕對係愈夜愈美麗的!

隨着科技進步,朝早面大的問題,開始可以在我掌握之中!但必須有美容儀器在手中,那就可以將面由潮漲變回潮退,塊面隨即縮細一半。

等我分享幾個我用的產品,僅供參考。

一、每天早上鬧鐘一響,我賴床15分鐘,半夢半醒的狀態下,拿起床頭的24K黃金電動按摩棒在面上滾動,它利用電池高震動原理,每分鐘6,000次震動加速新陳代謝,緩解疲勞,提升肌膚的質素,提升面部輪廓。6,000次震動頻率能幫助淋巴系統做引流退送,可以去除水腫,緊致提升,達至瘦面效果。

二、之後我會用發放IPC皮米技術的鏡去刷牙、洗面、搽lotion和化粧。究竟IPC皮米技術係乜?我唔可以詳盡講你聽,因為高科技嘅嘢,經我把口講肯定講完你都唔知我講緊乜,但效果我可以同你分享下。

佢嘅質子震動有序化技術(PVA)穿透面部皮膚,有效增強面部皮膚微循環和緊致度,可以幫助疏通面部經絡、減少面部及眼睛腫脹,亦可提高護膚品的吸收。你可能會質疑我作大,不過我的確覺得面色好咗,皮膚好咗,就算呢啲係心理作用,至少我用後自我感覺真係好好。

三、每兩星期我會用擁有高能聚焦超聲波技術嘅家用Hifu機,佢能夠產生13點聚焦熱力,穿透入2.5MM真皮層,令皮膚底層纖維細胞重建,亦可增生骨膠原蛋白,達至提升面部和有抗皺的效果。

雖然我好鍾意狗,但我絕對唔想自己塊面似老虎狗!

全文刊於《晴報》

撰文 : 陳淑蘭