【抗病自白】李珊珊患驚恐症淡出幕前　首度剖白病情： 如瀕死邊緣【有片】

曾淡出幕前7年的李珊珊，今年2月現身慈善活動復出，並指自己曾患重病，雖屢傳患癌及抑鬱症，但李珊珊一直沒有公開交代病情。今日李珊珊應「精神健康基金會」拍片首度公開病情，珊珊原來過去曾患驚恐症，為此訪尋名醫。

李珊珊早前為精神健康基金會拍攝短片，分享早年患病及治療期間的過程，全片以默劇形式進行。

珊珊手持寫上心聲的巨型「大字報」，逐一向公眾分享患病及治療時的恐懼，她指曾有「眼前一刻令人窒息的感覺，覺得係瀕死邊緣」，最終被醫生確診為驚恐症，及後她積極面對情緒病。

▲ 李珊珊拍片交代病情。

珊珊片亦邀請眾圈中好友分享自己的故事，包括有古天樂、鄭秀文、甘比、林保怡、何超蓮、崔加寶、梁陳女士等等，眾好友為珊珊打氣，亦鼓勵同路人向身邊人講出心中的煩惱，踏前分享自身的遭遇。

珊珊向傳媒自白：「2017年，我身處醫院 當時因為種種原因，第一次出現非常激烈嘅病徵發熱，標冷汗，全身冇力，呼吸困難不停地掙扎，直至眼前一黑，那種令人窒息的感覺，我直頭覺得在瀕死邊緣，經過不同檢測，專科醫生都搵唔到病因。」

▲ 今年2月珊珊復出分享病倩。

她又指：「病徵持續出現，每日都徘徊地獄和折返人間。兜過唔少冤枉路，做過唔少測試都係搵唔到病因，直至有一日經轉介去找劉英傑醫生，我才知道個病係叫驚恐症！
幸好劉醫生說教曉咗我，情緒病其實同傷風感冒一樣，有得醫。」

於是李珊珊開始向信得過的朋友分享，並輕描淡寫地透露狀況：「就好似患咗傷風感冒，No big deal，然後我就只係做兩件事，準時覆診，準時食藥 。」

她指加上好友們關心同不離不棄，病情慢慢好轉：「驚恐症症狀無再發生，瀕死邊緣的感覺無再出現，我就知道，我的情況受到控制，而家睇返轉頭，慶幸當初堅持搵病的根源 。」

她最後說：「知道問題根源先可以搵啱解決方法，情緒病其實同普通病無分別，搵啱醫生和啱藥，病就自然會好，我選擇行出來同大家講我的故事，是希望有相同遭遇的朋友，又或者你身邊有相同遭遇的朋友，都可以分享他們的故事！」