【冬天勇者】用儲水式熱水爐沖涼的考驗　連登仔：限時4分鐘沖涼

最近天氣轉涼，昨日（3日）錄得入冬以來的最低紀錄，只有13.8度！每年冬天，使用儲水式電熱水爐的用家都要與時間競賽，爭取可以使用熱水的每一秒。而每年在連登討論區都會有使用儲水式電熱水爐網民開的「年經」post，齊齊分享冬天沖涼時的苦況。

一名自稱有26年儲水式熱水爐經驗的網民「木糠布丁」，在連登討論區以「儲水式熱水爐嘅考驗又嚟了」為題發帖，問其他巴打絲打如何分配沖涼時間。他本人每天只用3分半鐘洗澡：

頭三十秒必須完成濕頭同身 上淋浴露 洗頭水
用一分鐘時間洗好個頭 記住唔好浪費熱水由得佢哋由頭流落腳
用兩分鐘洗好身體 九秒九抹乾淨著衫

其他用家同樣需要想好步驟才沖涼，絕不能浪費每一秒使用熱水的機會。有網民每次沖涼需要一心二用，沖涼時一手淋濕頭，另一隻手已經按定洗頭水，放低花灑後只用20秒洗頭。沖走洗頭水時，另一隻手又準備定沖涼液，用1分鐘洗乾淨全身，最快紀錄不到5分鐘就沖完。

▲ 有人播歌計住自己沖涼的時間。

不過亦有手腳較慢的網民未能在短時間內沖完涼，選擇將洗頭及沖身的步驟分開，或者以凍水洗頭、熱水沖身。有用家分享自己早上沖涼時經常突然不夠熱水，笑言「變凍嗰下個人生完全昇華咗」。

另一名網民使用儲水式熱水爐時需要邊用邊煲水，形容每次沖到最後都是「生死時速」，要盡力在熱水用盡前沖完：

煲15分鐘，最盡只可以用幾分鐘
遲啲再凍真係寫定遺書先入去浴室

▲ 有人每次沖涼只得2分鐘熱水，是真勇者！

有創意的網民為儲水式熱水爐正名為「處死式熱水爐」，但亦有人指出儲水式熱水爐的好處多多，不但慳水慳電，更是「真男人」的指標，直言使用儲水式的人都是人上人，顯示為人爽快。 

責任編輯：王俊賢