【蔬果Guide】日本士多啤梨熱賣推介 果欄專家教清洗士多啤梨

休閒消費 10:43 2019/12/20

分享:

琪琪教大家正確清洗日本士多啤梨方法。

每逢12月,香甜多汁的日本士多啤梨陸續登場了!TOPick訪問果欄專家教大家如何買到最平及品嚐最佳狀態的士多啤梨!

琪琪指定價主要根據品種、大小和顏色而定。(湛斯雅 攝)

果欄游炎記負責人琪琪表示今年日本士多啤梨出道時(11月尾12月頭)比上年同期較便宜2成,出道時較昂貴,但到12月中的價格已跟上年同期相若。

琪琪介紹較受歡迎的日本士多啤梨,分別是今年新研發的佐賀黑酢、德島櫻花及福岡博多甜王。最香甜為佐賀黑酢、最貴為德島櫻花、產量最多和最便宜為福岡博多甜王。

佐賀黑酢士多啤梨(左)、福岡博多甜王(中)、德島櫻花士多啤梨(右)(湛斯雅 攝)

士多啤梨宜即日食用

琪琪指士多啤梨「唔襟擺」,從日本到港已花了一天,建議購買當日食用。如果當日未能食用,都盡量於翌日吃光,因為再擺放,質素會下降,甚至會爛。

如果打算一兩天後才吃,不如一兩天後才來買!

認清包裝避色買假貨

要避色買到假貨,除了認識相關士多啤梨的特性外,更重要是留意產品包裝。琪琪指購買時要留意包裝,即使包裝寫了日本字都未必是真貨,要看清包裝的出產地、品種、農夫名和等級。

據早前訪問福岡縣香港事務所,他們教導以下3個辨別真假日本福岡士多啤梨「甜王」的重點:

  • JA農協的商標:相似品的商標下方或會印上簡體字樣,而正版則印有「大地、ひと、未来」。
  • 包裝標籤的日文字:相似品的日文字大多調亂排序,例如甜王草莓寫成「おまうあ」、福岡寫成「かおふく」,正確寫法分別是「あまおう」和「ふくおか」。
  • 生產地不同:相似品寫上澳大利亞、韓國、中國等,但甜王草莓真實的產地是日本「福岡」。

用流水式清水沖洗

琪琪直言士多啤梨或多或少都有農藥,但不建議用專洗生果的肥皂清潔和用水浸泡,也不要預先清洗,以免士多啤梨浸爛和影響口感。琪琪建議大家吃士多啤梨前才用流水式清水沖洗,減少表面殘留農藥,也能保持味道和口感。

晚上7時買到最平士多啤梨

琪琪表示臨近冬至和聖誕節,士多啤梨的價格亦會持續上升。如果想買到便宜的士多啤梨,可於每晚的6時左右購買,價格會便宜10元至20元。如選購減價的士多啤梨時要小心,留意有沒有壓瘀壓爛的情況。

一分錢、一分貨,平一定有原因!

想知點揀士多啤梨?即睇:

【蔬果Guide】日本士多啤梨新登場 果欄教分日本士多啤梨級數

記者:王芷瑩