【新手爸爸】林子善做爸爸感動流淚　感激太太誕小公主：一定要錫媽咪

林子善做爸爸！子善與太太董佩欣（Kary）結婚兩年，愛情結晶品誕生。林子善在今天（12月29日）凌晨，在個人社交網宣布囡囡出世，暖男丈夫兼新手爸爸的子善上載小公主相片，並寫：

媽咪超級無敵勁...冇麻醉順產分娩😱
極速0至10度50分鐘小乖乖出世🤗
由懷孕到小乖乖出世成個過程歷歷在目🥺
長大後可以唔錫爸爸但一定要錫媽咪😘😘😘
#母愛真偉大
#超乎常人

圈中好友姚子羚、胡定欣、趙希洛紛紛送上祝福。

▲ （取自林子善IG）

林子善為妻女集氣

新手爸爸子善的心情不免興奮又緊張，當時太太入產房前，他在社交網拍片集氣祝太太生產順利。

當囡囡出世後，他已即發文寫：「未能回覆各位，再次多謝咁多位嘅擔心，母女平安！超能老婆50分鐘內完成整個分娩過程，去到最後話唔用無痛分娩，當堂眼都凸埋出嚟，母親嘅偉大令到我變成豬頭，哭成涙人，多謝咁多位嘅集氣。」

有關林子善買樓送父母代兄付首期報道，請即睇 http://bit.ly/369V16E

現年37歲的林子善1998年已入行演戲工作外，於2012年與友人合資7位數開設餐廳龍鳳冰室，半年已回本，6年內更成功了5間分店，生意非常好。

不過，他在今個月中宣布辭任冰室老闆，因為他想有更多時間照顧太太及囡囡，實在是廿四孝丈夫及爸爸。

有關林子善辭任冰室老闆詳情，請即睇 http://bit.ly/2MDtGC8