圓玄學院妙法寺內明陳呂重德紀念中學校長馮金燕 一句說話激勵粗口學生考上大學 

親子 16:12 2019/12/30

分享:

圓玄學院妙法寺內明陳呂重德紀念中學校長馮金燕。

不知道哪位創作了一句說話叫「難聽過粗口」,簡單一句就將講粗口好合理化,現在細到小學生講粗口都好普遍,稚氣未脫地講粗口,臉不紅氣不喘,甚至一臉自信,另類可愛。我始終比較老一派,接受不到學生在學校裡面講粗口,包括大中小學,我相信絕大部份正常老師都同我一樣,但今天社會氣氛下遇到學生講粗口時,老師又如何應付呢?

我聽過有位校長朋友講起,當年入課室教書時,有一次有個學生在課堂上用粗口罵她,當時她即時反應大聲喝止,而乘機就讚下個學生話:「我認識嘅你,有嘅能力及潛力,遠遠有作為過你喺課堂上用粗口鬧老師,以你的潛力一定可以入到大學。」

呢句說話,深刻印左入去呢位中二學生的心入面。事隔好多年之後,當日的粗口學生大學畢業,返學校多謝呢位校長當年鬧佢呢一句,令他相信自己的潛力。

呢位校長去到現在的學校,服務基層、成績較弱的學生,用不同方式教導學生,勿著眼現時的限制及困難,每人都有潛能可發揮。她用本科生物科去對學生解釋「你大腦的腦細胞只有少於十分一被你運用,若你再用多一點你的能力會非常龐大。」

好多人遇到困難或學習難題,都會選擇去用既有習慣、模仿身邊的人,或照抄其他人的方法去解決,而懶得去用腦思考解決辦法。呢位校長就教學生一個小手勢,用手指放在「雲青」轉一下,代表轉動腦袋,要「撻」著個腦,思考搵自己的方法,當學生用自己的腦力解決問題,得到成功感,就會繼續多用腦思考生活上所有事情。

大家臨睡前都可以試下「撻」著自己個腦,遇困難不要人講就聽,或盲目模仿。呢位就係圓玄學院妙法寺內明陳呂重德紀念中學校長馮金燕。

香港電台第一台《我們不是怪獸》 「梁永樂-怪獸爸爸and friends」
周日晚十點新聞後播出

撰文 : 梁永樂 八爪魚爸爸