【怪獸港媽】扮病被媽媽怪責嘥錢　女兒心酸道出背後原因令媽媽沉默不語

不少家長為了工作，每日早出晚歸，甚至連照顧孩子的時間都沒有。日前，一名港媽看似不情願地帶著聲稱不舒服的女兒到診所看病，過程中女兒一直沉默，只說「唔舒服」三個字，最後女兒坦承沒有不舒服，扮病只想媽媽陪伴，惟港媽卻不滿女兒扮病嘥醫藥費。

診所護士「珍寶豬」在Facebook專頁《診所低能奇觀》發帖表示，有一對母女到診所看醫生，媽媽開口問，「做咩無啦啦病㗎？」女兒默不作聲，媽媽歎氣表示，「唉，又冇幾百蚊，今個月你老豆都唔知搞唔搞得掂。」

隨後，二人一同見醫生，在診症期間，醫生問女童哪裡不舒服，女童依舊不出聲。港媽又問女童哪裡不舒服，女童只說「唔舒服」三個字，最後醫生為她開藥了事。

女童希望媽媽不要上班陪伴她

二人再次出去等待取藥，這時，女童終於出聲問，「如果我冇唔舒服嘅話，你係咪就去返工啦？」港媽一直低頭看著電話回應，

梗係啦，要搵食㗎嘛，唔係點養你呀？今日咁樣又冇幾百啦。

女童再次開口，

我唔食藥嘅，你可唔可以唔返工呀？

港媽則表示，不舒服一定要吃藥，將細菌清走。女童其後表示自己沒有不舒服，頓時令港媽憤怒，她放下手中的電話說，「你冇唔舒服？咁你又叫婆婆打電話俾我叫我同你嚟醫生？我返緊工都要走返嚟同你睇醫生呀？」

港媽怪女扮病嘥醫藥費

女童終說出驚人一句話，

我同學話佢唔舒服，佢媽咪陪咗佢一日……

港媽不語，憤怒地走到登記處，向姑娘表示女兒沒有不舒服，「你同我取消咗佢啦，你寫返張假紙俾我交返學校就得啦。」惟姑娘則指，可以不要醫生處方的藥，但因為已看醫生，更何況要病假紙，故不能取消。港媽立刻黑臉，轉頭向著女兒大罵，「你睇吓你，你搞到我白白要俾錢啦！」女童再三低頭不出聲。

網民反應兩極

帖文引來大批網民熱議，不少人替女童感到可憐，「如果咁唔想陪個女, 搵錢又咁重要, 點解要生?」、「個女都係想阿媽陪佢一日姐」及「個女其實係病，呢啲叫心病，心病還須心藥醫，要心痛一日工錢定係阿女跳落去果一條人命？」亦有不少網民表示，生活所迫，希望女童明白父母手停口停的道理。

更多怪獸家長報道，即睇：

【怪獸家長】兒子發燒不准探熱　港媽迫診所發健康紙返學︰你唔讀好書會後悔

【自私港媽】拒為流感女兒請病假　港媽要求診所發健康紙證能返學：我個女無事！

女兒流感高燒40度堅持參加跳舞比賽　港媽fb讚叻女網民轟自私

文章獲診所低能奇觀授權

責任編輯：梁節儀