【我要投訴】千金小姐莊思明坐經濟艙感被忽略 公開空服人員名單:歡迎國泰高層同我聯絡

娛樂 10:26 2020/01/09

分享:

分享:

莊思明發長文投訴國泰空服員。

楊明女友莊思明在個人社交平發千字文大吐苦水投訴國泰航空,事因莊思明某日應朋友邀請到泰國出席宴會,由朋友為她安排航機為國泰經濟客位,可是當莊思明撳服務燈3次呼籲空中服務員卻沒人理會,莊思明甚至懷疑有人故意無視她,故發長文投訴,可是卻由此引起網上討論,甚至圍罵莊思明。

莊思明在個人社交平台寫道:

我喺航班中途撳咗個叫空中服務員嘅燈,因為我想借支筆填入境表。我撳咗一次,好耐都冇人嚟,於是我就睇睇我座位上嘅燈,咦,點解熄咗但又冇人問我有咩需要嘅?

唔緊要,我再撳過,點知又係俾人熄咗。之後我㩒第3次,今次我就刻意向後睇吓會唔會睇到究竟發生咩事,終於畀我睇到啦,原來有個空姐喺我後面熄咗我盞燈,然後就擰轉面行開咗!佢係完全冇問過我有咩需要就行開咗,我想叫都叫唔住佢!

(取自莊思明IG)

港航抽水送限量版筆:http://bit.ly/2QEOFqV

她對於再而三被忽略感非常不滿,續寫稱:「跟住我再撳咗第4次,終於有個女仔急急腳走嚟,然後好有禮貌問我有咩需要?跟住我就問佢借咗支筆填表。填完表後我諗咗一陣剛剛發生嘅事,我覺得有需要同機上嘅高級空中服務員表達,因為我唔希望呢種不快嘅事情會發生喺其他人身上。」

擾釀一輪,之後有位較高級的男空中服務員向莊思明道歉,她描述稱:「不停同我講唔好意思同埋佢不停來來回回咁幫我揾係邊個空姐咁唔專業。過咗幾分鐘左右個男空中服務員過嚟搵我,佢同我講佢已經同經理講咗件事同埋已經發現咗係邊個,佢問我想點處理。」

莊思明最後強調:「如果國泰嘅高層想了解更多關於這次事件嘅詳情,我絕對歡迎你哋同我聯絡!」

不過事件未就此完結,網民覺得她扮大牌,甚至扯到與她的政治立場有關。她霸氣回應:「錯不在我。」

此外,莊思明後來開出當日她所乘客機的空服員名單,以表揚處理事件的空服務員,可是卻由此涉露了部份空服員資料,並質疑她為何可以取得名單,由此又引起另一輪罵戰。

(取自莊思明IG)

千金小姐莊思明

其實莊思明是富商莊寶的女兒,可說是千金小姐,2010年參加香港小姐奪季軍入行。

講到投訴,早前莊思明因男友楊明投資的食店被食客在facebook投訴,內容指店內所賣的鮑魚太細隻,於是莊思明護航反撃:「謝謝反映,我得閒幫你去海味舖compare下價錢呀,睇睇$88咁多餸係咪太貴!會改良的,謝謝你的意見!」。

莊思明涉嫌觸犯私隱條例:http://bit.ly/37PfOgl

撰文 : TOPick柴犬出動