【萬人幫拖搞個唱】圈中好友拍片撐火火KB演唱會　鄧麗欣反串玩轉《鐵達尼號》

ViuTV全新節目《萬人幫拖搞個唱》由今晚（20日）起，逢星期一至五晚上10時30分播出。節目以真人騷形式紀錄火火（李家榮）及KB（李健宏）由組隊到開演唱會的過程，見證眾人相助的成果。

二人組成的業餘中佬組合「雙龍出海Double Dragon」早前順利舉行《萬人幫拖演唱會》。籌備過程中並無大台支持、無資源提供，二人秉持著「全靠香港人，乜都有可能」的精神，由組合命名、服裝、樂隊、創作派台歌、拍攝MV及派飛等，單憑網民及民間高手出手相助。

▲ 另外還有裸體掃描的經典情節。（大會發相）

明晚（21日）播出的第2集，講到KB、火火為谷「雙龍出海」人氣及其個唱，決定出術，邀請圈中好友拍宣傳片。二人先「搲」林雪客串拍宣傳片，林雪接到二人來電，即刻問：「你幾時拍呀？」惟一直度不到檔期，未能現身幫拖。

▲ 林雪聞言需要幫手即刻答應，可惜檔期未能配合。（大會發相）

KB、火火亦有向好友鄧麗欣（Stephy）埋手，KB指鄧麗欣是個非常有義氣的朋友，以前成日「碌卡」都會找她，二人想到與鄧麗欣拍最膾炙人口的電影《鐵達尼號》（Titanic）。

▲ 另外還有裸體掃描的經典情節。（大會發相）

KB搞笑交代選拍《鐵》的原因：「裡面有好多英文嘛！如果Stephy做都會幾好笑吖！因為佢曾經發生過畀人笑，每個人都有過去，我覺得幾得意吖！」宣傳片製作完畢後，KB四出請求餐廳店員播放片段予食客觀看，相當落力！